ITALI- Policia e Genovës ka arrestuar një shtetas shqiptar, i cili ishte kthyer në Itali një vit pasi ishte dëbuar. 43-vjeçari shqiptar, ende i paidentifikuar, u dënua vitin e kaluar për vjedhje dhe nga drejtësia italiane u vendos që ai të atdhesohej në Shqipëri.
Shqiptari u vu re pranë një shkolle të qytetit teksa mbante veshur një kapuç në kokë duke tërhequr kështu vëmendjen e policisë. Qëndimi i tij shtoi dyshimet tek efektivët e patrullës, të cilët vendosën që të ndalonin dhe ta kontrollonin.
Menjëherë sapo pa që patrulla ndaloi, shqiptari nxitoi që të largohej duke kaluar në kopshtet private të disa banesave duke u munduar që të fshihej pas bimëve të tyre, por sërish nuk mundi që t’i shpëtonte policisë.
![](https://shqiptarja.com/template/img/NO_ALFA_Kuadrate shqiptarja.png)
Pas shoqërimit në stacionin e policisë, u konfirmuan akuzat e ngritura ndaj shqiptarit, ndaj të cilit ishte lëshuar një urdhër për dënim vitin e kaluar dhe në muajin maj u shoqërua në kufi për t’u riatdhesuar.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)