POP 5

Lajmet më të lexuara të 5 minutave të fundit

Kultura

Premiera në Korçë/ 'Vassa Zheleznova’ vepra e Gorkit vendoset për herë të parë në skenën shqiptare nga regjisori Enke Fezollari!

Për herë të parë në teatin e Korçes dhe në Shqipëri njëkohësisht vihet ne skene vepra e Gorkit “Vassa Zheleznova”. Me regji të Enke Fezollarit dhe një kasë të mirë aktorësh shfaqja u prit me interes nga publiku.

Vassa Zhelesnova, vepra e njohur e shkrimtarit rus, Maksim Gorki është vënë për herë të parë në skenën shqiptare nga regjisori i sukseshem i teatrove greke, Enke Fezollari. Drama klasike u luajt në skenën e teatrit “Anton Zako Cajupi” të Korçës, nga një kasë e mirë aktorësh si Zamira Kita, Guri Koco, Rita Gjeka, Urim Aliaj.

Pas shfaqjes, regjisori shqiptar që jeton në Greqi, Enke Fezollari u shpreh se vepra e shkruar një shekull më parë shpreh mesazhe që janë aktuale për shoqërinë.

“Është e rëndësishme që rinia të kthehet në teatër. Është e rëndësishme që të rilexojmë dhe të shohim në teater veprat e autorëve të mëdhenj”, tha ai.

Aktorja shkodrane Rita Gjeka që ngjitet për herë të parë në skenën e teatrit të Korçës tha se i eshtë dashur punë për tu përshtatur me një rol të gjinisë së kundërt.

“Është kënaqësi të luaj në këtë teater me tradita, edhe pse roli ishte i vështirë”, tha ajo.

Drejtuesja e teatrit të Korçës dhe një prej aktoreve në këtë shfaqje, Zamira Kita foli për rolin e vështirë të Vassës, një rol ky me ngarkesë të lartë të materialit dhe emocioneve gjithashtu.

“Po zbuloj pak nga fabula; Vassa sigurisht nuk do të marrë gjithçka për vete, duket sikur sakrifon edhe fëmijët për pasurinë, por në fakt është e kundërta!”, u shpreh Kita.

Loja fantastike e aktorëve dhe puna e regjisorit Enke Fezollari u duartrokit nga publiku që mbushi sallën e teatrit në Korçë. Për ata që nuk e panë premierën, “Vassa Zheleznova” shfaqet sërish të martën dhe të mërkurën në mbrëmje.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50