POP 5

Lajmet më të lexuara të 5 minutave të fundit

Politikë

Presidenca: Znj. Nishani s'është
pronare trualli te selia aktuale PD

Nëpërmjet një njoftimi për shtyp Presidenca hedh poshtë akuzat e bëra nga selia e PS-së. I kërkon Prokurorit të Përgjithshëm të nisë procedurën e hetimit penal ndaj këtij shantazhi. 
Lutaj:Znj.Nishani,pronare trualli e PD
Postimi në Fb i Piro Lutajt
Presidenca: Znj. Nishani s'është<br />pronare trualli te selia aktuale PD
TIRANË – Presidenti i Republikës Bujar Nishani ka deklaruar sot zyrtarisht se familja e bashkëshortes së tij nuk ka lidhje pronësie me truallin e godinës së PD-së. Kësisoj, Nishani ka hedhur poshtë akuzat e bëra nga selia e PS-së se dekretimi i SHQUP-it si seli e PD-së është bërë me qëllimin për të liruar truallin ku aktualisht ndodhet PD-ja e ku familja presidenaciale ka interesat e saj.

“Sot, përfaqësues të lartë të shumicës së re qeverisëse, kanë adresuar publikisht akuza të paqena ndaj familjes së Presidentit te Republikës për të ashtuquajturën lidhje në pronësi mbi truallin ku sot ndodhet godina e selisë së Partisë Demokratike.

Institucioni i Presidentit të Republikës duke hedhur poshtë me përbuzje dhe neveri të tilla shpifje, deklaron me vendosmëri se familja e bashkëshortes së Presidentit nuk ka lidhje pronësie mbi truallin e godinës në fjalë.

Ky akt i turpshëm shpifjeje dhe ky sulm i rëndë antikushtetues me ngjyrim të qartë politiko-propagandistik, synon të terrorizojë psikologjikisht familjen e Presidentit të Republikës dhe të ndalë ushtrimin e funksioneve kushtetuese nga ana e Kreut të Shtetit.

Me këtë rast dhe në këto rrethana, Presidenti i Republikës i kërkon Prokurorit të Përgjithshëm të nisë procedurën e hetimit penal ndaj këtij shantazhi që po i bëhet Kreut të Shtetit shqiptar,”- thuhet në deklaratën e lëshuar sot nga Presidenca.

Gjithashtu, Nishani  i ka kërkuar edhe kryetarit të Partisë Socialiste, Edi Ramës “të ndalë urgjentisht këtë fushatë të ulët, të padrejtë dhe të padenjë” kundër tij.
Ky reagim i Presidencës vjen menjëhërë pas një deklerate publike bërë sot nga socialisti Piro Lutaj, sipas të cilit, trualli ku sot ngrihet selia e PD-së është pronë e bashkëshortes së së Presidentit, Odeta Nishanit dhe familjes së saj.


Reagimi Presidentit të Republikës 
19 gusht 2013 

Sot, përfaqësues të lartë të shumicës së re qeverisëse, në vazhdën e shpifjeve të neveritshme dhe të përsëritura të këtyre ditëve, kanë adresuar publikisht akuza të paqena ndaj familjes së Presidentit te Republikës për të ashtuquajturën lidhje në pronësi mbi truallin ku sot ndodhet godina e selisë së Partisë Demokratike.

Institucioni i Presidentit të Republikës duke hedhur poshtë me përbuzje dhe neveri të tilla shpifje, deklaron me vendosmëri se familja e bashkëshortes së Presidentit nuk ka lidhje pronësie mbi truallin e godinës në fjalë.

Ky akt i turpshëm shpifjeje dhe ky sulm i rëndë antikushtetues me ngjyrim të qartë politiko-propagandistik, synon të terrorizojë psikologjikisht familjen e Presidentit të Republikës dhe të ndalë ushtrimin e funksioneve kushtetuese nga ana e Kreut të Shtetit.

Me këtë rast dhe në këto rrethana, Presidenti i Republikës i kërkon Prokurorit të Përgjithshëm të nisë procedurën e hetimit penal ndaj këtij shantazhi që po i bëhet Kreut të Shtetit shqiptar.

Presidenti i Republikës, lidhur me të njëjtin problem, i kërkon gjithashtu Zotit Edi Rama, Kryetar i Partisë Socialiste propozuar nga shumica e re për postin e Kryeministrit, ta ndalë urgjentisht këtë fushatë të ulët, të padrejtë dhe të padenjë, kundër Kreut të Shtetit.

Ftoj me këtë rast cilindo shtetas shqiptar që çdo pretendim për shkelje të Ligjit nga ana e Presidentit të Republikës ta denoncojë normalisht në institucionet përkatëse të Drejtësisë.

Institucioni i Presidentit të Republikës, në asnjë rast dhe për asnjë arsye, nuk duhet, nuk mund, dhe nuk është përfshirë kurrë në luftën politike mes shumicës dhe pakicës parlamentare.

Presidenti i Republikës i siguron qytetarët shqiptarë dhe partnerët ndërkombëtarë të Shqipërisë se do të vazhdojë pa u ndalur asnjë çast të përmbushjen e detyrave kushtetuese, sado të rrejshme qofshin shpifjet, dhe sado të ulëta dhe të padenja shantazhet.

Redaksia online
(ar.sh/shqiptarja.com)
 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça