Ambasada e Shteteve të Bashkuara në Tiranë ka reaguar për deklaratat e kryeministrit Edi Rama në Kosovë.

Ambasada është shprehur se është mjaft e zhgënjyer nga deklarata e kreut të qeverisë shqiptare për një president të përbashkët mes Shqipërisë dhe Kosovës, me rastin e festimeve të 10 vjetorit të pavarësisë së shtetit më të ri në Ballkan.

Ambasada e ka cilësuar gjuhën e përdorur nga Rama si të shkujdesur dhe të padobishme.

“Ambasada e SHBA mbeti e zhgënjyer nga deklarata e Kryeministrit Rama mbi Shqipërinë dhe Kosovën me rastin e 10 vjetorit të Pavarësisë së Kosovës. Gjuha e shkujdesur që aludon për bashkim është e padobishme dhe dëmton marrëdhëniet e Shqipërisë me vendet fqinje. Ne i bëjmë thirrje udhëheqësve që të jenë fqinjë të mirë dhe të lënë mënjanë gjuhën ndarëse të së shkuarës” – shkruan ambasada në Twitter. 

twitter

Reagimi i ambasadës së Shteteve të Bashkuara në Twitter

s.k/Shqiptarja.com