TIRANE- Presidenti i Republikës, Bajram Begaj, priti sot një delegacion të Këshillit të Evropës, të kryesuar nga Sekretari i Përgjithshëm i tij, Alain Berset.
Presidenti Begaj nënvizoi rolin dhe kontributin që Shqipëria ka dhënë në 30 vjetët e anëtarësimit të saj në Këshillin e Evropës. Njëkohësisht, ai shprehu mirënjohjen për bashkëpunimin që Shqipëria ka patur dhe ka me KiE në drejtim të forcimit të shtetit ligjor, demokracisë dhe të drejtave të njeriut.
Shqipëria, - tha Presidenti i Republikës, mbetet plotësisht e angazhuar për të vazhduar të bashkëpunojë dhe kontribuojë në kuadër të Këshillit të Evropës dhe institucioneve të tjera të lidhura me të.
Kreu i Shtetit nënvizoi se Kosova është një realitet i pakthyeshëm dhe, si e tillë, ajo duhet të jetë plotësisht e integruar në organizatat rajonale dhe ndërkombëtare, veçanërisht në Këshillin e Evropës.
“Gjeografia është shumëçka. Kosova është gjeografikisht në Evropë. Populli i Kosovës meriton të jetë i integruar në organizatat evropiane. Ne duhet të ndërtojmë ura dhe jo mure, duhet t’i ndërtojmë ato sot në paqe. Kështu nuk do të lejojmë përsëritjen e historive jo shumë të largëta të konfliktit dhe dhunës ndëretnike që kanë ndodhur në Ballkanin Perëndimor”, - theksoi Presidenti i Republikës.
“Vetëm kështu siguria demokratike do të funksionojë më mirë dhe Evropa do të jetë më e sigurt”, - nënvizoi Presidenti i Republikës.
Një nga temat e bisedës midis Presidentit Begaj dhe Alian Berset ishte dhe takimi i Komunitetit Politik Evropian, që do të mbahet në Tiranë më 16 maj 2025.
Foto: Igli Hasani dhe Alain Berset
Ministri për Evropën dhe Punët e jashtme, Igli Hasani priti sot në një takim Sekretarin e Përgjithshëm të Këshillit të Evropës, Alain Berset.
Hasani theksoi se kjo është një vizitë veçanërisht simbolike pasi viti 2025 përkon edhe me 30-vjetorin e anëtarësimit të Shqipërisë në Këshillin e Evropës.
Gjatë takimit u vlerësua progresi i Shqipërisë në forcimin e demokracisë, sundimin e ligjit dhe të drejtat e njeriut, si dhe roli aktiv në organizatat ndërkombëtare dhe mbështetja e saj për Ukrainën.
Gjithashtu Hasani i nënvizoi Bersetit se anëtarësimi mëse i merituar i Kosovës në Këshillin e Evropës duhet të ndodhë sa më shpejt të jetë e mundur.
“Shqipëria qëndron e palëkundur në mbështetjen ndaj saj, duke e parë si një pikë kyçe për stabilitetin rajonal dhe promovimin e demokracisë dhe të drejtave të njeriut”, theksoi Hasani në një postim në rrjetet sociale.
TIRANË - Kryetarja e Kuvendit, Elisa Spiropali, priti sot Sekretarin e Përgjithshëm të Këshillit të Europës, Alain Berset, i cili po zhvillon një vizitë zyrtare në Tiranë. Në takim ishin të pranishëm anëtarët e delegacionit të Kuvendit në Asamblenë Parlamentare të KiE, deputetet Klotilda Bushka, Etilda Gjonaj, Albana Vokshi, si edhe Ambasadori i Shqipërisë në KiE, Dastid Koreshi.
Kryetarja Spiropali dhe Sekretari i Përgjithshëm Berset, diskutuan mbi bashkëpunimin mes Kuvendit të Shqipërisë me këtë organizatë të madhe europiane gjatë 30 vjetëve të anëtarësimit dhe kontributit të vendit tonë në Këshillin e Europës si edhe kontributin aktiv të delegacionit të Kuvendit në Asamblenë Parlamentare.
Diskutuan gjithashtu për mbështetjen e KiE dhe arritjet e Shqipërisë në sundimin e ligjit, respektimin dhe zbatimin e të drejtave të njeriut, fuqizimin e institucioneve dhe vlerave demokratike; avancimin e reformave drejt anëtarësimit në BE; bashkëpunimin në organizatat shumëpalëshe ndërkombëtare dhe mbështetjen e vendosur për Ukrainën.
Kryetarja Spiropali i transmetoi Sekretarit të Përgjithshën Berset kërkesën e Shqipërisë që Kosova, kjo demokraci e re dhe vibrante, meriton të pranohet sa më parë në KiE, si një faktor për bashkëpunimin, sigurinë dhe paqen në rajon.
Komente
Lajme të tjera
-
Begaj në Austri, takohet me homologun e tij: Mirënjohje për mbështetjen që i jepni Shqipërisë për anëtarësimin në BE
25 Mars, 14:32 -
Begaj niset për vizitë zyrtare në Austri, takim me homologun austriak dhe shqiptarët që jetojnë atje
24 Mars, 16:55 -
Begaj takim me ambasadorët austriakë në Ballkan: Vendi juaj ka ndihmuar Shqipërinë në momentet kyçe të historisë, përfshirë edhe anëtarësimin në BE
19 Mars, 14:20 -
Presidenti Begaj pret nënkryetarin shqiptar të parlamentit të Malit të Zi, në fokus rritja e bashkëpunimit ekonomik mes dy vendeve
18 Mars, 14:30 -
Festë dhe fushatë! Opozita zbret në Elbasan për Ditën e Verës! Rama e Begaj urojnë nga rrjetet sociale
14 Mars, 07:03 -
Begaj në Azerbajxhan, merr pjesë në Forumin Global në Baku: Kemi nevojë për një rend botëror, ku konfliktet nuk mbahen të ngrira por zgjidhen
13 Mars, 16:21 -
Presidenti Begaj niset drejt Azerbajxhanit, pjesë e forumit të 12-të global Baku
12 Mars, 08:35 -
Komisionerja e BE për Zgjerimin do të vijë në Tiranë më 13 mars, zbulohet agjenda
7 Mars, 19:04 -
Begaj takim me ministrin e jashtëm çek: Marrëdhëniet e mira mes dy vendeve janë reflektuar dukshëm në turizëm
6 Mars, 12:25 -
‘Bashkimi bën fuqinë’, Begaj kujton 581-vjetorin e Besëlidhjes së Lezhës: Mesazhi historik i atij Kuvendi se ka humbur kurrë vlerën
2 Mars, 08:49 -
Politika uron Ramazanin, Begaj: Le ta shfrytëzojmë këtë mundësi për t'u bërë më të mirë e për ta bërë edhe vendin tonë më të begatë! Veliaj: Agjërim të mbarë
1 Mars, 08:07 -
Ceremonia e diplomimit në ‘Shkollën Shqiptare të Studimeve Politike’, Begaj: Kemi nevojë për një frymë të re, ku idetë duhet të ballafaqohen me argumente
26 Shkurt, 12:52
