Presidenti Nishani vlerësoi kontributin personal të Lordit Watson në forcimin e marrëdhënieve midis dy vendeve, si dhe në promovimin e çështjes dhe të vlerave historike shqiptare në Britaninë e Madhe.
Me interes u bisedua edhe për nxitjen bashkëpunimit të mëtejshëm ekonomik e tregtar mes dy vendeve, ku Presidenti Nishani vlerësoi kontributin e Lordit Watson, në nxitjen e përvetësimit të gjuhës angleze nga përfaqësuesit e biznesit në Shqipëri dhe në Kosovë.
Presidenti Nishani ndau me Lordin Watson gjithashtu disa mendime lidhur me zhvillimet më të fundit në Britaninë e Madhe pas referendumit popullor për daljen nga Bashkimi Evropian, duke theksuar se marrëdhëniet e partneritetit dhe të bashkëpunimit mes dy vendeve nuk do të influencohen aspak nga ky vendim.
Lord Alan Watson është dekoruar nga Presidenti i Republikës me Dekoratën “Gjergj Kastrioti Skënderbeu” në dhjetor të vitit 2014.