Presidenti Bujar Nishani ka dekretuar sot ndryshimet e miratuara në korrik në Kodin Penal për armëmbajtjen pa leje, ndërsa pritet që në datën 23 gusht të hyjë në fuqi ligji i ri.
 
Ndryshimet e reja në ligjin për armëmbajtjen pa leje dhe tregtimin e municioneve janë ulur ndjeshëm, pasi Gjykata Kushtetuese rrëzoi qeverinë për dy ndryshime që ajo i bëri Kodit Penal në vitin 2013 dhe 2014 për armëmbajtjen pa leje.
 
Pas shfuqizimit, ligji i ri u rikthye për diskutime në komisione dhe më pas u miratua në Kuvend, ndërsa sot Presidenti e dekretoi. 

 Ndryshimet e dënimeve me ligjin e ri:
Prodhimi, shit-blerja, apo transporti i municioneve
Ishte 7-15 vjet/ Bëhet 5-10 vjet
 
Armëmbajtja pa leje në banesë
Ishte 1-5 vjet/ Bëhet 1-3 vjet
 
Mbajtja pa leje e eksplozivit
Ishte 5-8 vjet/ Bëhet 1-4 vjet
 
Mbajtja e armëve të ftohta
Ishte 3-8 vjet/ Bëhet 1-5 vjet



d.b/shqiptarja.com