Presidenti i Turqisë, Recep Tayyip Erdogan, tha sot në Beograd se ka shumë mundësi për investime në Serbi.

Gjatë vizitë së tij në Beograd, Presidenti i Turqisë, Recep Tayyip Erdogan ka thënë se ka shumë mundësi për investime në Serbi.

Gjatë konferencës së përbashkët  me homologun e tij serb, Aleksandër Vuçiç, është diskutura rëndësia e tregtisë më Serbinë, pasi sipas tij  bota afariste është shumë e interesuar të investojë, pasi vetë kompanitë e interesuara tregojnë qartë rëndësinë strategjike për biznes që ka Serbia- është shprehur presidenti i Turqisë.

Lidhur me shkëmbimet aktuale të tregtisë mes Turqisë dhe Serbisë, Presidenti Erdogan është shprehur i pakënaqur me shkëmbimet aktuale, të cilat arrijnë vlerën e 800 milionë dollarëve.

"Shifra nuk është e mjaftueshme, ne dëshirojmë dhe aspirojmë që të rrisim këtë vlerë  më vonë"- thotë Presidenti i Turqisë, Erdogan.

Gjatë takimit, Erdogan ka njohur me zhvillimet e fundit  homologun e tij serb, ndërsa ka përmendur se Turqia përgjatë 15 vitesh ka ndërtuar 19 mijë kilometra rrugë dhe ka dyfishuar numrin e aeroporteve  nga 25 që ishin rreth viteve 2000, tani ajo numëron plot 50 të tillë.

“Dëshirojmë që t’i ndajmë me Serbinë  këto arritje që ka bërë shteti i Turqisë”-deklaroi Presidenti i Turqisë.

Presidenti turk ka vënë në dijeni homologun e tij serb se përgjatë vizitës në Serbi do të nënshkruhen 16 marrëveshje, ndërsa implementimi i tyre do të bëhet në ditët në vijim.

Redaksia Online
N.M/Shqiptarja.com