Presidenti i KE-së: Zgjedhjet duhet të mbahen në 30 Qershor!

Presidenti i KE-së Jean-Claude Juncker u shpreh qartë dhe prerë se zgjedhjet në Shqipëri duhet që të zhvillohen në datën e përcaktuar dhe qytetarët nuk duhet që të pengohen për të votuar. Ai tha se anulimi i zgjedhjeve, shtyn perspektivën Europiane të Shqipërisë. "90% e shqiptarëve e mbështesin reformën për të mirën e qytetarëve dhe të vendit. Reformat nuk bëhen për të përfituar disa institucione, por për njerëzit e Shqipërisë për të jetuar në një shoqëri të ndershme ku shteti ligjor respektohet dhe shteti është i besueshëm.

Nuk ka arsye më të fortë se kjo për të vijuar këtë progres impresiv. Për KE-në duke u bazuar në vlerësime objkektive, hqipëria është gati për hapin e radhës. Prandaj i kërkuam KE-së hapjen, por ka disa pengesa për t'u kaluar. Autoritetet shqiptare kanë plotësuar kërkesat. Nëse i kërkojmë një vendi të bëjë këtë apo atë dhe ai i plotëson nuk kemi si i themi 'JO'. Unë jam në favor për hapjen e negociatave, pasi Shqipëria ka plotësuar kërkesat, por nuk është sekret se disa vende kanë disa shqetësime.

E kam siguruar kryeministrin se do të mbrojë cdo vijë dhe deklaratë të raportit tonë. Lufta kundër kanabisit është një shembull.  Dua të theksoj, edhe pse është një cështje e vështirë, rëndësinë që ka uniteti politik në arritjen e qëllimeve të Shqipërisë. Të gjitha partitë politike në vend duhet të angazhohen në mënyrë konstruktive në institucionet demokratike. Zgjedhjet janë parashikuar për në fund të qershorit, qytetarët nuk duhet të pengohen të ushtrojnë të drejtat e tyre demokratike. Nuk mund të bllokosh shprehjen e vullnetit të qytetarëve Shqiptarë, prandaj mendoj, pa ndërhyrë në këtë debat të brendshëm, që zgjedhjet duhet të zhvillohen,përndryshe prespektiva europiane e Shqipërisë do të vonohet." 

Lajmi kryesor:

Rama në Bruksel, Presidenti i KE-së: Zgjedhjet të bëhen në 30 Qershor, qytetarët s'duhet të pengohen (VIDEO)

TAG:
• edi rama
• Ilir Meta
• Federica Mogherini
• Bruksel
• Jean-Claude Juncker
• zhdekretimi i 30 qershorit