POP 5

Lajmet më të lexuara të 5 minutave të fundit

Bota

Presidenti i rrëzuar i Nigerisë kërkon mbështetjen e SHBA-së dhe ndërkombëtarëve: Na ndihmoni të rikthejmë rendit kushtetues

Lideri i rrëzuar i Nigerisë, Mohamed Bazoumi, u ka bërë thirrje Shteteve të Bashkuara dhe gjithë komunitetit ndërkombëtar për të ndihmuar në rikthimin e rendit kushtetues.

Presidenti i rrëzuar i Nigerisë kërkon mbështetjen e SHBA-së dhe ndërkombëtarëve: Na ndihmoni të rikthejmë rendit kushtetues

Mohamed Bazoumi

Lideri i rrëzuar i Nigerisë, Mohamed Bazoumi, u ka bërë thirrje Shteteve të Bashkuara dhe gjithë komunitetit ndërkombëtar për të ndihmuar në rikthimin e rendit kushtetues.

Në një kolumnë të shkruar në të përditshmen amerikane Ëashington Post, presidenti Bazoumi ka thënë se ai po shkruan si “rob”.

Trazirat kanë shpërthyer në këtë shtet, në perëndim të Afrikës, prej rrëzimit të tij.Të enjten, liderët e puçit kanë njoftuar se do t’i tërheqin ambasadorët shtetërorë nga Franca, SHBA-ja, Nigeria dhe Togo.

Përmes një deklarate televizive, ata kanë thënë se detyrat e këtyre katër ambasadorëve kanë “përfunduar”.Disa orë para marrjes së vendimit, ambasadori i Nigerit në SHBA, Kiari Liman-Tinguiri, i ka thënë agjencisë së lajmeve AFP se ushtria “duhet të reflektojë” dhe “ta kuptojë se kjo aferë nuk do të ketë sukses”.

Nigeri është prodhues i madh i uraniumit – produktit jetik për centralet bërthamore – dhe gjendet në territor kyç të migrimit mes Afrikës Veriore dhe Mesdheut.

Në thirrjen e tij, Bazoumi ka paralajmëruar se lidhja e liderëve të puçit me grupin mercenar rus Ëagner, i cili operon në shumë vende tjera të rajonit, shihet si shtrirje e ndikimit të dëmshëm në Niger.

“I gjithë rajoni qendror i Sahelit mund të bjerë nën ndikimin rus, përmes grupit Ëagner, terrori brutal i të cilit është shpërfaqur plotësisht në Ukrainë”.

Së fundi, shumë mbështetës të puçit në Niger janë dëgjuar duke bërë thirrje pro-Rusisë dhe kanë qenë të veshur me ngjyra të flamurit rus.

Puçi është dënuar në nivel ndërkombëtar, përfshirë SHBA-në, Bashkimin Evropian dhe Francën – që dikur e ka pasur Nigerin koloni./REL

M.T/G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ben: 05/08/2023 04:58

    Kë shtet ka pasur Franca colony, gjithmone probleme ka pa pasur ai vend,si Nigeri p.sh.Kë ka pasur Inglizi,asgje,vetem perpara,funksional,si concept shteti.

    Përgjigju
  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Çifti irlandez gjen 41 mijë euro në Durrës, i dorëzon në policinë e Shkodrës

Çifti irlandez gjen 41 mijë euro në Durrës, i dorëzon në policinë e Shkodrës

28 Mars, 09:37