Presidenti i Turqisë qorton NATO-n
për mungesë mbështetjeje në Siri

Presidenti i Turqisë ka kritikuar NATO-n për mos mbështetjen e operacionit të vazhdueshëm ushtarak të vendit kundër luftëtarëve kurdë sirianë në Siri. Duke folur para mbështetësve të shtunën, presidenti turk Rexhep Tajip Erdogan pyeti: “Hej NATO, ku jeni?" dhe akuzoi aleancën për standarde të dyfishta.

Turqia nisi një ofensivë ushtarake kundër njësive mbrojtëse të popullit kurd të Sirisë (YPG) më 20 janar për t'i pastruar ata nga qyteti Afrin në Sirinë veriperëndimore. Turqia e konsideron YPG-n një organizatë terroriste, por aleati i saj i NATO-s, Shtetet e Bashkuara, i mbështet ata për të luftuar grupin e Shtetit Islamik.

Erdogan i kërkoi NATO-s të vijë në ndihmë të Turqisë, duke thënë se kufijtë e saj janë nën kërcënim.

Redaksia Online
A.S /Shqiptarja.com