Presidenti i Republikës, Ilir Meta nesër do të nisë një vizitë dy ditore në Maqedoni. Gjatë vizitës kreu i shtetit shqiptar do të takojë homologun maqedonas, Gjorgje Ivanov.

Përpos takimit kokë më kokë mes dy presidentëve, do të ketë edhe një takim mes dy delegacioneve të Maqedonisë dhe Shqipërisë.

Në axhendë janë edhe takimet me drejtuesit e partive shqiptare në Maqedoni, ndërsa Meta do të vizitojë edhe Manastirin për nder të 22 Nëntorit, ditës së Alfabetit Shqip.

dy.b/shqiptarja.com