Presidenti iranian takon në Vatikan
Papa Franceskun: Lutuni për mua

Presidenti i Iranit, Hasan Rohani ka vizituar sot Papa Franceskun ku i ka kërkuar që të lutet për të, pasi vizita e tij në Vatikan i ka krijuar një kënaqësi të vërtetë.
 
"Unë ju kërkoj të luteni për mua. Vizita në Vatikan më krijoi një kënaqësi të vërtetë dhe unë ju uroj punë të mirë’ këto kanë qenë fjalët që i ka thënë Rohani  Papa Franceskut.


 
Ndërkohë, Papa Francesku i ka thënë Presidentit iranian se vendi i tij ka një rol kyç për paqen.
 
"Faleminderit shumë për këtë vizitë dhe shpresojmë për më shumë paqe, pasi Irani mbetet një vend kyç për paqe".


 
 
Takimi ka zgjatur për rreth 40 minuta dhe Papa ka falenderuar Presidentin iranian për vizitën duke thënë se gjithkush shpreson për më shumë paqe.
 
Sipas një deklarate të Selisë së Shpejtë është theksuar se, në takim kanë dalë në pah vlerat e përbashkëta ku është vendosur që marrëdhënia e mirë mes Iranit dhe Selisë së Shenjtë të vijojë.

 
 
Selia e Shenjtë thekson se, jeta e Kishës në vend dhe në veprimin e Selisë së Shenjtë është në favor të promovimit të dinjitetit njerëzor dhe lirinë fetare.


 
Ajo shton se, bisedimet mes Papa Franceskut dhe Presidentit të Iranit kanë vijuar edhe në drejtim të promovimit të zgjidhjeve të duhura politike të problemeve që kanë pllakosur Lindjen e Mesme, luftën kundër përhapjes së terrorizmit dhe trafikimit të armëve.
 


Me shumë rëndësi ata kanë vlerësuar dialogun ndërfetar dhe përgjegjësinë e bashkësive fetare në promovimin e pajtimit, tolerancës dhe paqes.

Redaksia Online
(F.T/shqiptarja.com)