Presidenti Ilir Meta 'përfitoi' nga një akuzë e kryebashkiakut të Tiranës Erion Veliaj për të dalë në një konferencë për mediat në kulmin e Kongresit të Partisë Socialiste. Duke e quajtur 'Zogu i Tiranës', Meta tha se Veliaj gënjen kur thotë se Presidenti ka bllokuar emërimin e ambasadorëve të Shqipërisë jashtë vendit. Sipas tij askush nuk është bllokuar.
"Në respekt të detyrimeve dhe transparencës ndaj qytetarëve, përfshirë edhe delegatët dhe anëtarët e PS-së, jam i detyruar dhe të dal edhe të bëj disa sqarime pasi organizata e 'inceneratorëve' nxorri sot në mënyrë të qëllimshme 'zogun e Tiranës' i cili në mënyrë fare brutale dhe banale, pasi ai nxjerr nga goja çdo gjë që i fusin në gojë, si ato konet që i lidhin nga një zinxhir për zhurmë. Ai e bëri përgjegjës Presidentin për të gjithë stërkëmbëshat që Rilindja i ka bërë Shqipërisë", tha Meta duke nënvizuar se sipas tij mazhoranca ka bilanc katastrofik.
Por ende pa mbaruar Meta konferencën për shty erdhi edhe përgjigja e menjëhershme e Edrion Veliajt. Veliaj tha se Kongresi i PS ishte aq pozitiv sa edhe Meta doli në konferencë.
'Mirë që doli se tregon kontrastin mes ne dhe një fiksimaxhiu që rrihet me policët, shyqyr që shpëtuan policët e Pallatit të Kongreseve në ndryshim nga ato të FRD-së, aq i madh është hendeku mes 2 krahëve të politikës”, tha Veliaj.
Duke cekur çështjen e inceneratorëve Ilir Meta tha se u prova gjithçka që Presidenti ka thënë 1 vit më parë
"Ndërkohë që koka e gjithçkaje i shet arrestimet si sukses të reformës në drejtësi duke thënë se të gjithë duhet të shkojnë në burg, ndërsa unë jo", tha Meta.
Sipas tij asnjë veprim te prokurorisë dhe SPAK nuk kemi parë për ndëshkimin e akteve mafioze te Bashkisë se Tiranes, si shembja e Teatrit dhe inceneratori.
"Sot u shpik një fajtor për dështimet e Qeverisë. Nuk është Presidenti fajtor pse në Ukrainën që është në lufte nuk rriten çmimet, ndërsa në Shqipëri po. Pse këtu nuk rriten pagat dhe pensionet nuk është Presidenti fajtor. Për kriminalizimin e pashembullt te Qeverise nuk është Presidenti fajtor. Veç burgosjes se përgjegjësve te aferës se inceneratoreve, është e rëndësishme qe mbi 400 milion euro abuzime te kësaj afere t'ju kthehen qytetareve shqiptare", tha Meta.
Ilir Meta ka komentuar legalizimin e kanabisit mjekësor. Sipas tij, Edi Rama po kërkon që të legalizojë krimin në Shqipëri.
“Kjo e kanabisit nuk është e re. Ajo ka filluar që me vizitën tek nënë Feridea. Tani kërkon të ligjërojë kriminalizimin e shtetit dhe organeve ligjëzbatuese. Ti vihet kazmën bujqësisë dhe blegtorisë. Kjo është e qartë. Por besoj është shumë e përkohshme. Dëshirë që vetëm shpejton zhvillimet për të kthyer Shqipërinë në një vend normal. Drejtësi njësoj për të gjithë.” tha Meta.
Presidenti Ilir Meta thotë se PS do që t’i japë president të mirë popullit, por nuk e lë atë ta zgjedhë vetë.
"Duan presidentin të mirë për popullit, t’ia lënë popullit ta zgjedhë. T’ia lënë popullit që ta zgjedhë, unë nuk kandidoj, pas 25 vjetësh plani është të rikthehemi përsëri në këtë detyrë", tha Meta.
Erion Veliaj i kthehen përgjigjet Ilir Metës.
“Ishte një kongres me risi, aq sa komshiu përballë doli në konferencë për të sqaruar atë që njerëzit e dinë dhe mirë që doli se tregon kontrastin mes ne dhe një fiksimxhiu që rrihet me policët, shyqyr që shpëtuan policët e Pallatit të Kongreseve në ndryshim nga ato të FRD-së, aq i madh është hendeku mes 2 krahëve të politikës”, tha Veliaj.
Në komunikimin me mediat Presidenti Meta i bëri thirrje të arrestuarve që të kthehen në të penduarit të drejtësie dhe të tregojnë urdhrat që kanë marrë për këtë veprimtari kriminale.
"Presidenti ka disa detyra para se të largohet. Edhe për aferën e inceneretaorëve nuk kemi të bëjmë me përgjegjësi individuale, por me grup. Nuk ka censurë që e ndalon këtë relivatizim. Ajo që ka faktuar Presidenti nuk është përpara drejtësisë. Treshja e famshme ka dalë jashtë vendit, paratë vazhdojnë dhe zotërinjtë që janë ndaluar do të bëjnë sikur do të marrin disa dënime për të shpëtuar disa gjëra të tjera. Unë i them të bëhen të penduar dhe të tregojnë kush u garantoi për veprimtari kriminale”, tha Meta.
Ilir Meta tha se do të ndërmarrë një nismë për ngritjen e një komiteti për të sqaruar deri në fund aferën sipas tij të inceneratorëve.
"Unë do të nis një komitet për zbardhjen sa më të parë të aferës së inceneratorëve. Nuk ka bërë asgjë më shumë mafia në Siçili sesa qeveria në këtë aferë. Do të mbledh ekspertët më të mirë që ta sqarojnë tamam këtë aferë. Përfituesit më të mëdhenj janë Rama dhe jo Stela, Zoto apo Mërtiri", tha Meta.
Presidenti Meta tha në konferencën për mediat se mazhoranca kërkon të gjithë një fajtor për mos arritjet e saja dhe për këtë akuzojnë vetë atë.
"Nuk është Presidenti ai që u ka thënë atyre që shkatërroni sigurinë energjetike të Shqipërisë! Që shiteni lirë fare energjinë dhe blijini më 7 fish. Dhe fitoni 2-herë. Në Ukrainë bëhet luftë dhe nuk rriten çmimet. Nuk është presidenti fajtor, përkundrazi u ka thënë rritni rrogat dhe pensionet. Prandaj duhet të shpiket një fajtor për mos arritjet dhe ai është presidenti i Republikës dhe duan t'i japin popullit një president të mirë. Dhe kanë frikë t'ia japin popullit ta zgjedhë pasi populli mund të gabojë", tha Meta.
Presidenti Ilir Meta iu është përgjigjur akuzave të Erion Veliajt se ka bllokuar firmosjen e ambasadorëve të caktuar. Meta i ka cilësuar shpifje.
“Të gjithë personeli, ndaj gjithë atyre partnerëve që mund të jenë shqetësuar nga gënjeshtra dhe shpifje të tilla që presidenti paska bllokuar firmosjen e ambasadorëve të caktuar, të gjitha janë mashtrime ordinere, nuk janë rastësisht në ditën e kongresit, nëse do kishte ankesa kjo gjë mund të evidentohej nga ministrja e jashtme. Qoftë edhe Bashkia e Tiranës që ka dërguar një propozim për ambasador të republikës jashtë vendit dhe nuk është miratuar nga presidenti i republikës. Kam bërë disa emërime ashtu sikurse janë paraqitur, kur shkelin ligjin dhe e sjellin te presidentin iu kujton ligji që ta çojnë të parlamenti dhe e sjellin te presidenti, e konfirmoj. Janë me dhjetëra ish-deputetë apo deputete apo njerëz që janë mashtruar, iu thuhet ta kemi çuar emrin tek presidenti por ai nuk të do ty dhe do të na bllokojë. U thonë ua kemi çuar emri por po na bllokon presidenti. Ky edhe në gjumë gënjen”, tha Meta.
Komente
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34
zoge ,zoge po e beri Tiranen lule kure se ti vetem ke vjedhure sa pere presidentin kushe populle ta zgjedhi a po tju jepni ju nga 30 mije leke e tju zgjedhin prape ju se na ke bere goxha ndere
PërgjigjuLike floriri zogu i Tiranes eshte i partise tuaj por shiko zogun e Monikes se eshte bere si zog sorre nga qe punonhet shume.
PërgjigjuHahahaha, te mori e mira!