FOTO/Presidenti u largua drejt Taxhikistanit, talebanët marrin kontrollin e pallatit presidencial në Kabul, 'rehatohen' në zyrën e tij

Talebanet në zyrën e presidentit afgan

Talebanët po marrin kontrollin e kryeqytetit afgan të Kabulit, ndërsa janë 'rehatuar' në zyrën e  presidentit Ashraf Ghani, i cili iku në Taxhikistan. Vetë talebanët postuan një fotografi nga zyra e presidentit duke treguar se kanë marrë kontrollin e Pallatit Presidencial në Kabul

Zëdhënësi i grupit Zabihullah Mujahid tha më herët se forcat e tij do të fillonin të hynin në zonat e qytetit ku zyrtarët qeveritarë dhe forcat e sigurisë kishin braktisur postet e tyre.

Këtë mëngjes talebanët lëshuan ​​një deklaratë se forcat ishin jashtë qytetit të Kabulit dhe nuk donim të hynim në Kabul përmes rrugëve ushtarake.

Zyrat e policisë së rrethit janë evakuuar, policia ka lënë punën e tyre dhe ministritë janë zbrazur dhe personeli i sigurisë i administratës së Kabulit është larguar. Prandaj, për të shmangur çdo plaçkitje dhe vjedhje në Kabul dhe ndalimin e oportunistëve nga dëmtimi i njerëzve, talebanët kanë këshilluar forcat e tij që të hyjnë në ato zona të qytetit ku armiku është larguar dhe zonat janë në rrezik plaçkitjesh dhe vjedhjesh.

Lajmi kryesor:

Talebanët drejt kontrollit të plotë në Afganistan, 'thyejnë' Kabulin! 'Harrojnë' thirrjet për armëpushim, të shtëna me armë në aeroport! Blinken: Po sulmuat personelin tonë do kundërpërgjigjemi fort

/LR/Shqiptarja.com

TAG:
• SHBA
• Afganistan
• Kabul
• talebanët