Presidenti Vuçiç: Kuvendi i Serbisë diskuton për dialogun me Kosovën më 22 qershor

Presidenti i Serbisë, Aleksandër Vuçiç

Më 22 qershor Kuvendi i Serbisë do të mbajë një seancë në të cilën do të flitet detajisht për dialogun me Kosovës. Lajmin e bëri të ditur Presidenti i Serbisë, Aleksandër Vuçiç.

Vuçiç është shprehur se në këtë seancë do të diskutohet për çdo çështje me rëndësi për situatën në Kosovën dhe se ai do t'i paraqesë planet dhe idetë Serbisë.

Të martën, Vuçiç dhe kryeministri i Kosovës, Albin Kurti, u takuan në Bruksel, në kuadër të dialogut për normalizimin e marrëdhënieve.

Në takimin e parë të tyre u shprehën vetëm qëndrimet dhe pritjet e palëve, ndërsa u arrit pajtim vetëm për mbajtjen e takimit të radhës në muajin korrik.

Vuçiq tha se pala kosovare ka shkuar në Bruksel me dëshirën për ta detyruar delegacionin e Beogradit që t’i linte bisedimet.

Ai tha se Serbia refuzoi njohjen e Kosovës, por edhe propozimin për deklaratën e paqes.

Ndërkaq, Albin Kurti, pas takimit me Vuçiçin, tha se arritja e marrëveshjes me Serbinë do të jetë e vështirë, por shtoi se nuk është pesimist se një gjë e tillë nuk mund të realizohet.

Ai tha se marrëveshja përfundimtare duhet të përfshijë njohje të ndërsjellë dhe të finalizohet sa më shpejt.

SI.E./Shqiptarja.com
  • Sondazhi i ditës:

    A duhet të jetë Berisha pjesë e grupit parlamentar të PD në Kuvend?

Komento


×

Lajmi i fundit

John

Certifikatë vaksinimi dhe test negativ për të hyrë në restorant, Mali i Zi miraton masa të reja anti-COVID