Pretendimet e SHBA-së për agjentët rus në Meksikë, reagon presidenti Lopez Obrador: Nuk kemi informacion

Presidenti i Meksikës, Andres Manuel Lopez Obrador, tha të premten se qeveria e tij nuk ka informacion për ndonjë agjent rus me bazë në vend, pas komenteve të një gjenerali amerikan.

Të enjten, gjenerali Glen VanHerck tha në një seancë dëgjimore të Senatit se "pjesa më e madhe e anëtarëve të GRU në botë është në Meksikë për momentin, ata janë personel i inteligjencës ruse dhe ata vëzhgojnë shumë nga afër mundësitë e tyre për të pasur ndikim në SHBA, mundësi dhe akses”.

Lopez Obrador u përgjigj: “Ne nuk kemi informacion për këtë dhe nuk e pengojmë asnjë të huaj që dëshiron të kryejë veprimtari legale në vend që ta bëjë këtë.

“Është një deklaratë, ne nuk do të vëmë në dyshim asgjë, ne respektojmë shprehjen e lirë të ideve, Meksika është një vend i lirë, i pavarur dhe sovran, duhet ditur sepse ndonjëherë duket se nuk kuptohet sa duhet. Dërgojuni atyre telegrame për t'i informuar se Meksika nuk është koloni e ndonjë vendi të huaj. Ne kemi një politikë të mosndërhyrjes, nuk do të shkojmë në Moskë për të spiunuar askënd, as në Pekin, as në Uashington, as në Los Anxhelos, ne nuk përfshihemi në këtë," shtoi ai, shkruan CNN.

Lajmi kryesor:

Shpërthime në Lviv, pesë të plagosur! Rusët godasin një reaktor bërthamor kërkimor në Ukrainë! Biden në Poloni: Putin diktator, nuk mund të qëndrojë në pushtet! Kremlini: S'e vendos ti kush udhëheq

G.B./Shqiptarja.com

TAG:
• ukraine
• Rusi
• rusia sulmon ukrainen