Prezantohet në Konferencën e Kryetarëve projektbuxheti, opozita kërkon edhe Paketën Fiskale! Ministrja: Miratohet javën e ardhshme, ka ndikuar lufta (VIDEO)

TIRANË- Të ardhurat në buxhetin e shtetit për vitin 2023 parashikohen 631.7 miliardë lekë, ose 7.7% më shumë se në vitin 2022. Shpenzimet 687, 2 miliardë, 8.8% më shumë se viti aktual. Ministrja e Financave dhe Ekonomisë Delina Ibrahimaj gjatë prezantimit të projektbuxhetit në konferencën e kryetarëve tha se objektiv kryesor mbetet mbetet ulja e borxhit publik nën 70% të PBB, teksa pritet që rritja ekonomike të jetë 3.6% në nivelin afatmesëm. Ajo tha se s'do ketë ndryshim taksash për biznesin e vogël.

“Pagat deri në 50 000 nuk do të taksohen. Nga masa përfitojnë deri në  70 000 punëmarrës që janë në grupin 40 000 -50 000 all pagë. Nga Profesionet e lira parashikohet të arkëtohen në buxhetin e shtetit mbi 2 mld lekë kontribut. Bizneset deri në 14 mln lekë do mbetet me taksë 0”, u shpreh Ministrja e Financave dhe Ekonomisë Delina Ibrahimaj.

Ibrahimaj konfirmoi ndryshimin e taksës për prodhuesit e birrës, ndërsa tha se qeveria do të mbështesë politikat në mbrojtje të mjedisit.

“Është parashikuar heqja e akcizës për akumulatorët për mjetet elektrike me efekt 50 mln lekë. Për makinat elektrike ka 0 tvsh në momentin e importit, masë si pjesë e politikave për mbështetjen e mjedisit. Ndryshon akciza e birrës me efekt 260 mln lekë në vit. Kjo unifikon akcizën për prodhimin e birrës vendase dhe të huaj për sasinë 200 hektolitër”, tha ministrja.

Miistrja Ibrahimaj konfirmoi se nuk do ketë ndryshim të çmimit të energjisë për biznesin e vogël dhe konsumatorin familjar, ndërsa një fond12 mld lekë është e parashikuar për këtë sektor. Sipas Ibrahimaj është parashikuar fond prej 2.3 mld lekë për rritje page deri në 6% për mësuesit dhe mjekët në korrik 2023. Po ashtu parshikohet mbështetje për 64 000 familje me ndihmë ekonomike, dyfishim i saj për të moshuarit pa pension pleqërie. Një zë më vete në buxhet është parashikuar për dronët dhe ngritjes së qendrës së sigurisë dhe inovacionit.

K.T./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Këshilli i Europës miratoi rekomandimin për anëtarësimin e Kosovës, Serbia: Skandaloze dhe e turpshme

Këshilli i Europës miratoi rekomandimin për anëtarësimin e Kosovës, Serbia: Skandaloze dhe e turpshme