Organizatat kriminale shqiptare që kanë shtrirë aktivitetin e tyre në shtetet e Bashkimit Evropian qarkullojnë rreth 1 miliard euro. Deklaratat u bënë nga ambasadori i Spanjës në Tiranë, Marcos Alonso, në prezantimin e projektit të financuar nga BE, "Lufta kundër krimit të organizuar në Shqipëri përmes hetimit kriminal dhe financiar". Sipas Alonsos, zgjedhjet e 25 prillit janë shumë të rëndësishme për Shqipërinë dhe pjekurinë e demokracisë në vend.
“Paratë që organizatat kriminale, të cilat kanë lidhje me Shqipërinë, dhe që i dërgojnë në vendet e BE janë të shumta, janë mbi 1 miliard euro. Këto zgjedhje janë shumë të rëndësishme për të ardhmen e Shqipërisë dhe për të ardhurën tuaj në Bashkimin Evropian. 25 prilli është festa e Shën Markut, këto zgjedhje të tregojnë pjekurinë e arritur të demokracisë shqiptare.” – u shpreh ambasadori i Spanjës, Marcos Alonso.
Ministri i Brendshëm, Bledi Çuçi, tha se buxheti që BE ka parashikuar për këtë projekt shkon në 5.5 milionë euro, 2.4 të të cilave do të shkojnë për pajisje të reja.
Buxheti i parashikuar është 5.5 mln euro për luftën kundër krimit, mbetet një donacion bujar i vendeve të BE-së dhe me këtë rast, shprehim mirënjohjen tonë të sinqertë për këtë suport tejet miqësor. Thuajse gjysma e këtij fondi do të shkojë për vetëm për pajisjet e reja, mbi 2.4 mln euro. Ky investim për modernizimin e infrastrukturës përmbush aspiratën tonë kyçe për ta sofistikuar dhe rritur cilësisht punën e organeve ligjzbatuese, sikurse të jemi një vend i BE-së. Gjithashtu mbështetja për ngritjen e skuadrave të përbashkëta hetimore mes policive tona do të reflektohet në rezultate solide në luftën kundër krimit.” – tha ministri i Brendshëm, Bledi Çuçi.
Të pranishëm në aktivitet ishin edhe ambasadori i Bashkimit Evropian, Luigi Soreca, ambasadorët e Holandës, Italisë dhe drejtorja e Fondacionit Ndërkombëtar dhe Ibero-Amerikan për Administratën dhe Politikat Publike, Anna Terron Cusi. Të gjithë bashkë dhanë garanci për bashkëpunimin e tyre në luftën kundër krimit të organizuar.
Ambasadori i BE-së, Luigi Soreca ka theksuar se Shqipëria duhet të forcojë luftën kundër krimit të organizuar si prioritet për pranimin e saj në BE. Me një postim në twitter, Soreca shkruan se ekspertë të huaj nga Spanja, Holanda dhe Italia do të ndihmojnë Shqipërinë në luftimin e krimit të organizuar.
"Lufta kundër krimit të organizuar është një përparësi kryesore për BE të pranimit të Shqipërisë. Prandaj, rëndësia e këtij projekti që i ofron autoriteteve të Shqipërisë, ekspertiza teknike që vjen nga disa shtete anëtare të BE-së, si Spanja, Holanda dhe Italia. Një skuadër e vërtetë në Europë", shkruan Soreca.
Projekti i 'Luftës kundër krimit të organizuar në Shqipëri përmes hetimit kriminal dhe financiar" i financuar nga BE me një buxhet prej 5.5 milionë euro. Projekti mbështet agjencitë shqiptare të zbatimit të ligjit, policia dhe disa institucione të tjera ligjzbatuese. BE vë në dispozicion 5.5 milionë euro për Shqipërinë në luftën kundër krimit të organizuar dhe thuajse gjysma e këtij fondi do të shkojë vetëm për pajisjet e reja, mbi 2.4 mln euro. Ky investim është për modernizimin e infrastrukturës së Policisë dhe organeve të tjera. Projekti do të rrisë cilësisht kapacitetet në luftën kundër krimit të organizuar dhe trafikimit të drogës në Shqipëri përmes trajnimesh apo gjërave të ngjashme, si dhe do të përmirësojë metodat e hetimit përmes mbështetjes me pajisje të teknologjisë së lartë, programesh kompjuterike si dhe asistencës së përditshme përmes pranisë fizike të ekspertëve europiane.
Komente
Lajme të tjera
-
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Kërkesa për komision hetimor për Portin e Durrësit, Çuçi: S'mund të marrim vendim derisa çështja është në Kushtetuese! Parlamenti në limitet e punës
23 Dhjetor, 13:29 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34
Nuk eshte ndonje cudi qe Hollanda dhe Spanja po godasin konkurentin direkt te canabisit Shqiperine se po ju ikin miliona euro nga xhepat kurse vendi jone i mbeshtet per interesat e atyre
Përgjigju