POP 5

Lajmet më të lexuara të 5 minutave të fundit

Kosova & Rajoni

Prishtinë-Beograd, mosmarrëveshjet 
për  Gjykatën e Mitrovicës

Beogradi zyrtar po fajëson Prishtinën se “po e frenon Marrëveshjen e Brukselit” duke mos zbatuar marrwveshjen për ngritjen e Gjykatës Themelore Të Mitrovicës
PRISHTINE- Në kohën kur po afrohet dita ku pritet të merret vendimi nëse do të fillojnë apo jo negociatat Serbi – BE, Beogradi zyrtar po fajëson Prishtinën se “po e frenon Marrëveshjen e Brukselit”. 
Kështu është shprehur Kërstimir Pantiq, i sapozgjedhuri në postin e prefektit  në komunën e Mitrovicës veriore.
 
Pantiq i njohur si lider i Iniciativës Qytetare Serbe por edhe si ngritësi i barrikadave në veri ka deklaruar se “formimi i Gjykatës Themelore në pjesën veriore të Mitrovicës është fillimi i formimit të Republikës serbe në Kosovë”.
 
Sipas tij, pala prishtinase  po eviton zbatimin e detyrimeve nga Marrëveshja.

Prefekti i Mitrovicës veriore ka deklaruar për gazetën serbe”Novositi” se “është arritur marrëveshja që gjykata të jetë e krijuar sipas përbërjes etnike”.
 
Por sipas  tij, shqiptarët po përpiqen të ndryshojnë thelbin e marrëveshjes me qëllim që ta pengojnë përparimin Serbisë drejt BE –së.

Sipas Oliver Ivanoviçit i cili garoi në këto zgjedhje për postin e prefektit të Mitrovicës veriore “Prishtina kërkon që Gjykata Themelore të jetë institucionalisht unike.
 
Ajo duhet të ketë dy njësi, një në jug e një  veri dhe të jetë me seli në Mitrovicën Jugore. Nga ana tjetër serbët kërkojnë që gjykata të jetë kompetente vetëm në veri”.

Ngritja e gjykatës është një ndër çështjet që pritet të diskutohet gjatë takimit të radhës Thaçi-Daçiç që pritet të mbahet në Bruksel, më 13 dhjetor. 
 
Kjo do të jetë një provë për Serbinë, pasi në varsi të bisedimeve BE do të marrë më 17 dhjetor vendimin rreth fillimit të negociatave Bruksel – Beograd.

Redaksia Online
(ah/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Zgjedhjet/ Daci në Repolitix: PS më e favorizuara nga vota e diasporës! Basha: Do votojnë kundër pushtetit! Muça: Do jetë pjesëmarrje qesharake

Zgjedhjet/ Daci në Repolitix: PS më e favorizuara nga vota e diasporës! Basha: Do votojnë kundër pushtetit! Muça: Do jetë pjesëmarrje qesharake

15 Janar, 22:04