POP 5

Lajmet më të lexuara të 5 minutave të fundit

Politikë

‘Despiunizimi’, PD: Kërkoni mendim nga Komisioni i Venecias! Bardhi ‘zbulon’ letrën e delegacionit të BE-së! Alibeaj: Nismat tuaja shashka politike, kaloni lustracionin

Paketa e despiunizimit që synon nxjerrjen nga politika të ish bashkëpunëtorëve të sigurimit të shtetit u diskutua në Komisionin e Ligjeve. Duke zbuluar një letër të delegacionit të BE, Gazment Bardhi kërkoi që për këtë paketë ligjore të merret mendimi i Komisionit të Venecias, ndërsa Enkelejd Alibeaj e quajti shashkë politike dhe kërkoi që të mbështeten nismat e lustracionit të dorëzuara nga opozita

Disa muaj pasi socialistët e dorëzuan në Kuvend, paketa e ashtuquajtur e “despiunizimit” të politikës nisi diskutimin në Komisionin e Ligjeve.

Kreu i grupit parlamentar të PD, Gazment Bardhi, zbuloi një letër të delegacionit të BE në Tiranë, që i kërkon ligjeve që kjo paketë ndryshimesh të jetë në përputhje të plotë me parime e vendosura nga Komisioni i Venecias. Nisur nga letra që mban firmën e ambasadores Christiane Hohmann, Bardhi thotë se Kuvendi duhet t’i drejtohet për marrje opinion Komisionit të Venecias.

‘Ju keni marrë një letër nga delegacioni i BE që të merrni parasysh raportet e Komisionit të Venecias, si në 2019 ashtu edhe për nismën e Vettingut në politikë. Ndaj unë them t’i drejtohemi për marrje opinion komisionit të Venecias.’-tha Gazment Bardhi.

‘Kemi marrë parasysh opinionet e shkruara të Venecias!’- tha Ermonela Felaj.

Debate pati edhe për përmbajtjen e projektligjeve, që synojnë nxjerrjen nga politika të ish bashkëpunëtorëve të sigurimit të shtetit. Deputeti i PD Enkelejd Alibeaj kërkoi që të mbështetet vetëm lustracioni, që në kuvend është depozituar me 2 nisma të ndara nga dy palët e PD.

“Ne as puthemi, as përputhemi me ju. Propozimi juaj Për partitë politike, është I papranueshëm. Kë duan të kenë partitë politike në krye, zgjedhin vetë. Lustracioni ka vetëm një qëllim, të pastrojë shtetin. projekt-ligj për t’ja futur dikujt e për të mbrojtur dikë, asnjëherë.’- tha Alibeaj.

‘Pse ju djeg tani miza nën kësulë, duket sikur e keni braktisur.’- tha Toni Gogu.

Në fund, Komisioni i Ligjeve vendosi shtyrjen e diskutimit të projektligjeve në mbledhjet e ardhshme. 

Me këto ndryshime, PS prek dy ligje, atë për partitë politike dhe dekriminalizimin, ku parashikon ndalimin e personave që kanë pasur lidhje me ish sigurimin e Shtetit që të zgjidhen kryetar në parti politike dhe nëse janë zgjedhur, shkarkimin e tyre, si dhe ndalimin e tyre të zgjidhen në çdo funksion publik. 

S.G//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

5 këshilla si të shtroni tryezën për Krishtlindje

5 këshilla si të shtroni tryezën për Krishtlindje

25 Dhjetor, 09:25