'Pro Pak' çel dyert për njerëzit me aftësi të kufizuara, Zaimi: Përgjigjemi për 100 fëmijë (VIDEO)

Fëmijët me sindromwn Down, si kushdo, kanë nevoja themelore, për t’u ushqyer, për të fjetur, për t’u edukuar dhe strehuar, edhe veçanërisht për të mos u ndjerë të diskriminuar, por të barabartë në familje, në punë edhe kudo.  Por, sigurisht që njerëzit me sindromën Down kanë nevojë edhe për ndihma shtesë, që të përmbushin nevojat e veçanta, që ata kanë. Për këtë Fondacioni Sown Syndrome Albania inauguroi sot mjediset e reja të Qendrës së Shërbimeve Pro Pak. Themeluesja Emanuela Zaimi nën prezencën e fëmijëve me sindromën down, prindërve, por edhe të OSBE-së, e konsideron realizimin e kësaj iniciative, një mundësi më shumë për 100 fëmijë me aftësi të kufizuara.

Në fakt është një ditë shumë e lumtur, sepse kjo është një arritje e madhe. Kemi tashmë një Qendër Shërbimesh, Pro Pak, që shërben për të gjithë personat me aftësi të kufizuar. Ka një kapacitet për 100 fëmijë apo persona me aftësi të kufizuara, përpos shërbimeve të tjera që ne ofrojmë, siç janë ndërhyrjet e hershme në shtëpi”, Emanuela Zaimi, themeluese e Fondacionit DS Albania. Disa nga shërbimet që u mundësohen fëmijëve në këto ambiente janë terapi në grup, individuale, terapi fizike, terapi arti, muzikë apo edhe kurs i shkrimit edhe leximit. 

 “Merita e gjithë kësaj, është padyshim e stafit, por edhe donatorëve. Sfidat në këtë kapacitet që shërbejmë që prej një muajit maj janë të mëdha, sepse projektet përfundojnë shpejt. Ne duhet që të kemi një mbështetje nga shteti, që këto shërbime mos të jenë në kurriz të prindërve, që paguajnë 100 për qind. Duhet që të kemi një model mbështetje nga shteti, për të krijuar një model financiar. Për kategori të ndryshme të njerëzve më aftësi të kufizuar, ka skema të ndryshme pagesash, ndërsa për sindromën doën shteti jep 100 mijë lekë të vjetra, si pagesë.

Ne jemi pjesë e tryezave lobuese. Ata e dinë atë që kërkojnë prindërit, që të marrin këto shërbime për fëmijët me aftësi të kufizuara. Çdo moshë ka nevojë për shërbime të ndryshme. Aktualisht shteti nuk jep asgjë, pasi fondacioni mbahet nga donatorët e huaj, biznesi edhe ato që ne bëjmë vet, apo edhe nga pagesa shërbimesh, që janë ende shumë simbolike nga prindërit, ndërkohë gjysma e fëmijëve këto shërbime i merr pa pagesë”, shton Zaimi.

Emanuela na tregon se shoqëria jonë gjatë viteve të fundit ka nisur që të ndërgjegjësohet edhe më shumë për ndihmën dhe vendin që duhet t’i jap një personi me aftësi të kufizuar.  “Çështja e mentalitetit besoj se është më ndryshe se më parë, por padyshim që ka gjithmonë vend për ta përhapur këtë lloj mentaliteti, si nga mësuesi, profesori apo trapisti”, vijon themeluesja e Fondacionit DS Albania. Ndërsa, për realizimin e këtyre objektivave, Emanuela rrëfen, se e ka ndihmuar edhe më shumë eksperienca e saj personale, si prind i një fëmije me sindromën Dawn. “Kjo ka nisur nga një histori personale,  pasi unë jam prind i një fëmije me aftësi të kufizuar.

Por pavarësisht djalit, kjo është një përditshmëri, që unë kam gjet veten dhe jam vlerësuar. Këto janë gjëra motivuese që të bëjnë të punosh edhe më fortë. Jam shumë e lumtur, që çfarë kemi arritur e kemi arritur me një punë transparente. Uroj që brenda një apo dy vitesh edhe shteti të nis që të paguajë qendrat e shërbimeve apo edhe prindërit, që ata t’u mundësojnë fëmijëve kushte të nevojshme”, përfundon Zaimi. Qendra e Shërbimit PRO PAK ndodhet në rrugën “Hajredin Kumbaro”, tek rrethi i kuq i Saukut, Tiranë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë