Probleme me kolaudimin dhe mbipeshën, Task-Forca vendos 230 gjoba vetëm në shtator

230 drejtues mjetesh në të gjithë Shqipërinë janë ndëshkuar vetëm në muajin shtator nga Task- Forca e Transportit Rrugor. Problemet kryesore që janë identifikuar gjatë transportit ka të bëjë me mosrespektimin e kriterit të mbipeshës nga mjetet e tonazhit të rëndë dhe për mungesa e kolaudimit të automjeteve. Drejtori i Task Forcës së Transportit Rrugor Elton Haxhiu ka sqaruar se me pajisjen e grupeve me mjetet elektronike si kamerat trupore, pajisja e lëvizshme e kontrollit teknik dhe peshorja portabël, ka lehtësuar shumë në identifikimin e drejtuesve që kryejnë shkelje.

“Problematika më e madhe që ne hasim në terren është mbipesha, është problem shumë i madh, kolaudimi i mjeteve, ka shumë mjete të cilat nuk kanë kolaudim dhe në mjetet që kanë kolaudim shikojmë mangësia të mëdha sidomos tek sistemi i frenimit. Ky aksion do të vazhdojë, do jetë në të gjithë territorin shqiptar, gjej rastin të bëj një apel për shoferët dhe për pronarët e linjave që të zbatojnë Kodin Rrugor dhe ligjin e Transporteve, mbipesha është problematikë dhe sjell rrezikshmëri të lartë në rrugë, sistemi i frenimit është problem dhe përsëris sjell problem të madh në rrugë  prandaj ne duhet të jemi koshient për mjetet që ne kemi dhe për mjetet me të cilat ne punojmë”, deklaroi drejtori Elton Haxhiu.

Ndërkohë vetëm për tejkalimin e normës së peshës 22 subjekte janë konstatuar në shkelje në vetëm 1 javë. Ky aksion ka nisur që prej datës 1 shtator, dhe ende nuk është përcaktuar se për sa kohë do të funksionojë, dhe ka në fokus rritjen e sigurisë rrugore. Aktualisht kontrollet janë të përqendruara në ato akse rrugore ku ka një qarkullim të lartë të mjeteve, por edhe të udhëtarëve si dhe akset të cilat kanë pasur problematikat më të theksuara.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Populli: 26/09/2019 23:23

    Shtet kriminel qe kerkon kuolidim kur nuk ka rrug bejn gjoba sikur kto shofer i gjejn leket ne rrug turp per kto polic qe te bejn gjob 15000 mile lek qe ske vendosur rrypin e sigurimit skandaloze edhe jasht shtetit qe marin nga 1500euro ne muaj nuk te vejn gjoben te keshillojn por jo gjob shtet hajdut

    Përgjigju
  • Sondazhi i ditës:

    Barazimi me Kroacinë, mendoni se Kombëtarja kalon grupet e Euro 2024



×

Lajmi i fundit

Eksperti i turizmit: Ja ku po investojnë të huajt në Shqipëri! Duhet ta mësojmë turistin si të shpenzoj tek ne

Eksperti i turizmit: Ja ku po investojnë të huajt në Shqipëri! Duhet ta mësojmë turistin si të shpenzoj tek ne