Problemi me mbetjet, Rama garanton qytetarët e Durrësit: Plehrat s'do hidhen në asnjë zonë të bashkisë

Problemi me mbetjet, Rama garanton qytetarët e Durrësit: Plehrat s'do hidhen në asnjë zonë të bashkisë

TIRANE-Kryeministri Edi Rama ka reaguar për problemin e krijuar me mbetjet në qytetin e Durrësit. Kreu i qeverisë përmes një postimi në rrjetet sociale garanton qytetarët e Durrësit se s'do të ketë hedhje plehrash në asnjë zonë të bashkisë.

"Në vend që ta dizinformojnë publikun dhe të keqpërdorin shqetësimin qytetar, për audiencë dhe për të nxitur shfaqjet e pakënaqësisë që ushqehet me lajme të rreme, mediat duhet t'u thonë durrsakëve se s'do të ketë hedhje plehrash në asnjë zonë të bashkisë në këtë fazë tranzicioni!" shkruan Rama.

Ditën e djeshme i gjithë qyteti është pastruar, por këto mbeturina nuk janë depozituar asgjëkundi, por mbeten në kamionë pasi nuk ka ende një vend se ku mund të shkarkohen.

Landfilli i Porto Romanos u mbyll, ndërsa mbeturinat fillimisht u dërguan në Manzë dhe u dogjën. Kjo solli reagimin e banorëve. Më pas u arrit një marrëveshje një javore me landfillin e Sharrës, ku dërgimi në Tiranë i mbetjeve u bë pa asnjë kosto. Marrëveshja përfundoi dje, sot u pastrua qyteti, por plehrat janë ende në kamionë dhe nuk dihet ku do të derdhen.


Lajmi kryesor:

Arrihet marrëveshja, për 4 muaj plehrat e Durrësit do të dërgohen në Sharrë


Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Roni: 16/06/2020 13:39

    Keta mbyllen vendhedhjen e vjeter pa gjetur nje vend te ri,dhe prandaj eshte bere kjo rrumpalle. Shtet bananesh.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet