Procesi i “Bandës së Durrësit”
Kërkohet pafajësia për Doklen

Gjatë seancës gjyqësore për “Bandën e Durrësit”, mbrojtja ka kërkuar pafajësinë e Endrit Dokles. Me seancën e sotme përfunduan dhe konkluzionet e mbrojtjes duke i hapur rrugë vendimit përfundimtar të gjykatës.

Seanca e ardhshme pritet të mbahet me 12 janar. Prokuroria ka kërkuar burg përjetë për 4 anëtarë mes të cilëve dhe Endrid Doklen si dhe për kreun e bandës, Lulzim Berishën.

16 të pandehurit e “Bandës së Durrësit” akuzohen për të paktën 7 vrasje, 2 plagosje, mbajtjen peng të një dëshmitareje, si dhe disa atentate. Banda dyshohet të ketë vepruar që nga viti 1998 deri në 2005, në qytetin e Durrësit. ah/Shqiptarja.com/