POP 5

Lajmet më të lexuara të 5 minutave të fundit

Politikë

Procesi i regjistrimit, Balla takim me përfaqësues të komunitetit shqiptar në Itali: Synimi i nismës, garantimi i së drejtës së votës

Në vijim të vizitës në Itali, Ministri i Brendshëm Taulant Balla, zhvilloi sot një takim në ambasadën shqiptare në Romë me përfaqësues të komunitetin shqiptar në rajonin e Lacios, ku diskutuan për procesin e regjistrimit të adresave të shqiptarëve jashtë vendit

Procesi i regjistrimit, Balla takim me përfaqësues të komunitetit shqiptar në Itali: Synimi i nismës, garantimi i së drejtës së votës

Në vijim të vizitës në Itali, Ministri i Brendshëm Taulant Balla, zhvilloi sot një takim në ambasadën shqiptare në Romë me përfaqësues të komunitetin shqiptar në rajonin e Lacios, ku diskutuan për procesin e regjistrimit të adresave të shqiptarëve jashtë vendit.

Në fjalën e tij ministri Balla tha se prej disa kohësh vetëm 12 mijë vëllezër e motra tanë, që jetojnë jashtë Republikës së Shqipërisë, e kanë deklaruar deri më tani vendodhjen e tyre.

“Mendoj që duhet të bëjmë kudo një promovim të kësaj nevoje, të kësaj domosdoshmërie që shteti amë të dijë që ku i e ka të tijët", tha Balla theksoi Balla.

Duke folur për rëndësinë që ka procesi i regjistrimit, Balla tha se synimi i nismës është për të krijuar një regjistër, të të gjithë shqiptarëve që jetojnë jashtë territorit, për të ditur vendodhjen e tyre “për ti dërguar një urim, për ti dërguar një informacion dhe natyrshëm për të qenë një infrastrukturë gati në momentin pse jo edhe kur duhet që të organizojmë me domosdoshmëri dhe votën e shqiptarëve që jetojnë jashtë territorit".

Sipas Ballës regjistrimi do të garantojë edhe të drejtën e votës për ata që jetojnë jashtë.

"Shumë vende, votën e shqiptarëve që jetojnë jashtë territorit e kanë të organizuar përmes metodës tradicionale, atë të vajtjes në konsullatë apo ambasadë. Prandaj kemi organizuar si qeveri, një proces shumë të thjeshtë, është ndër më të thjeshtët sepse unë kam parë dhe modelet e shumë vendeve të tjera, tek portali e-Albania, i cili është një shërbim online, tepër i mirë dhe një pjesë e madhe e vëllezërve e motrave tanë e aksesojnë për nevoja të tjera, për të marrë një certifikatë apo për të bërë një pagesë të caktuar. Janë më shumë se 400 shërbime që merren online edhe natyrshëm ajo që dua të them është që dhe ky shërbim, hyn dhe logohesh, logohesh si qytetar, i vetmi kod që do përdorësh është kodi unik i qytetarit që është në kartën e identitetit, vendos një fjalëkalim tëndin, deklaron vendbanimin, të vetmin dokument që duhet të 'upload', është një dokument që e merr nga  njësia bashkiake apo nga autoritetet vendore italiane të cilat vërtetojnë adresën të cilën vetë e ke vendosur", sqaroi ministri.

Ai tha se Roma është vendi i duhur për ta filluar procesin, edhe për shkak të qasjeve historike që kemi pasur, për shkak të numrit të madh të qytetarëve shqiptarë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qafiri: 30/09/2023 15:55

    Keni 10 vjet qe i perzeni nga shqiperia, plus qe i grabisni çdo sezon pushimesh me levizjen ilegale te lekut ne burse dhe tani po shkoni ti kerkoni voten! Hahaha, I modh je o Ball Ballisti

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55