Procesi/ Ngec hapja e dosjeve
anëtarët pa certifikatë sigurie

TIRANE- Hapja e dosjeve duket një moment i largët, edhe pse vitin e kaluar politika u krenua me miratimin e një ligji që do të zgjidhte këtë çështje sipas modelit gjerman. Ky ligj detyron Kuvendin të ngrejë një komision të përhershëm që do të hapë dosjet e që quhet “Autoriteti për Informimin mbi Dokumentet e ish Sigurimit të Shteti të Republikës Popullore Socialiste të Shqipërisë”.

Ky komision do të ketë 5 anëtarë të cilët do t’i zgjedhë Kuvendi përmes votimit. Komisioni përgjegjës, pikërisht ai i ligjeve, ka zhvilluar seancë dëgjimore me 13 kandidatë për këtë çështje, por procesi ka ngecur në një prej kushteve të ligjit, sipas të cilit çdo kandidat për anëtar duhet të jetë i pajisur me certifikatë sigurie, e cila lëshohet nga Drejtoria e Sigurimit të Informacionit të Klasifikuar (DSIK).