POP 5

Lajmet më të lexuara të 5 minutave të fundit

Ekonomi

Prodhim i bollshëm i vajit të ullirit në Dumre/ Fermerët për Report Tv: Nuk ka treg, ka rënë edhe çmimi (VIDEO)

Zona e Dumresë njihet për prodhimin e ullirit. Këtë vit për shkak të prodhimit të lartë, ka rënë çmimi. Nga ana tjetër fermerë dhe prodhues kërkojnë një pikë grumbullimi për tregtimin e vajit të ullirit. 

DUMRE-Ullinjtë kanë pasur prodhim të bollshëm këtë vit. Në zonën e Dumresë janë shumëfishuar sipërfaqet e mbjella me këtë kulturë bujqësore.

“Dumreja është një zonë kodrinore dhe prodhon një vaj shumë cilësor. 3 vitet e fundit, me investimet në Dumre kanë ardhur dhe vizitorë. Në këtë sezon kanë ardhur për të blerë dhe vaj ulliri", shprehet një fermer për mikrofonin e Report Tv.

Pjesa më e madhe e prodhimit shkon në fabrika ku përpunohet vaji.

 “Viti i kaluar ka qenë një vit  i dobët në sasinë e prodhimit por çmimi ka qenë i lartë, pasi dihet që kur ka pak prodhim kërkesa ne treg është e madhe dhe çmimi rritet. Këtë vit ka superprodhim, kur ka mbiprodhim atëherë edhe sasia e vajit bie”, thotë Gëzim Paja, prodhues.

Këtë vit një kilogram vaj ulliri në zonën e Dumresë kushton 400 lek.

 “Kam 3 dylym. Gjithsej kam bërë 170 kg. Tregu ka rënë shumë, vjet ka qenë 5 , por sivjet ka rënë është bërë me 4, nuk është i arsyeshëm çmimi po ne nga e keqja do e japim s’kemi ku e çojmë”, thotë një tjetër fermer.

Rënia e çmimit vjen si pasojë e rritjes së prodhimit.

 “Prodhimi çdo vit vjen në rritje dhe detyrimisht duhet të gjejmë një treg akoma më të garantuar, që fermerët të ndihen komod kur të vjen sezoni i vjeljes së ullirit”, thotë Paja.

Mungesa e një pike grumbullimi është kthyer në një problem të përhershëm sezonal për fermerët dhe prodhuesit e vajit të ullirit.

“Ne kërkojmë të gjendet tregu, dhe çmimi të rritet”.

Aktualisht në zonën e Dumresë janë mbi 1500 hektarë të mbjella me ullinj. Shqetësimi kryesor i fermerëve dhe prodhuesve është sigurimi i tregut për vajin e ullirit.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tregtari: 09/12/2020 20:14

    Mundohuni te kapni tregun gjerman dhe skandinav....vaji une eshte shune i mire dhe cilesor....

    Përgjigju
  • Dauti: 09/12/2020 08:38

    Ketu duhen kooperativat agrare , me ngastra toke nuk ecet me keshtu garantoni sasi te madhe prodhimi qe iu mundeson edhe dalje ne tregje nderkombetare per te shitur tepricat.Bashkoni pra terrenet, studioni tregun e huaj qe cdo fillim sezoni prodhues te keni mundesi te lidhni kontrata duke pare edhe potencialisht sasine qe do te prodhohet, pastaj ajo te meson vete deri sa te krijoni brandet tuaja te vajit made in albania .Me ngastra individesh qe shesin me bidona neper qoshet e rrugeve nuk shkoni dot asgjekundi, keshtu do te qyrraviteni cdo vit gjithmone duke u ankuar njehere se s ka prodhim e njehere se ka shume prodhim.KEtu eshte edhe roli i dobet i shtetit qe ka ardh koha ti taksoje keta fermeret Jo si menyre per ti grabitur si e ka zakon shteti shqiptar po si instrument presioni qe te bashkohen neper shoqeri prodhuese , e kane thene edhe te paret tane ,Bashkimi ben fuqine , hapni mendjet tuaja te mbyllura dhe organizohuni dhe hiqni dore nga HILET neper produktet tuaj se tregu eshte edhe ceshtje besimi nuk eshte vetem ceshtje konsumi

    Përgjigju
  • Iris: 09/12/2020 02:56

    Ka disa fermere shqiptare te shkathet qe nuk presin t'ua gjeje shteti tregun.Ullinj dhe vaj ulliri shqiptar kane arritur t'i gjejne treg dhe ta sjellin deri ketu ne U.S.A.Duhet dhe ju te lidheni on-line me mercologe dhe njerez te zanatit,ose dhe vete direkt,por ama ,as mos te mendoni te beni hile ne vaj se ketu ka kontrrolle te forta.Une vete kam blere ullinj nga Shqiperia,por jo vaj.Kjo eshte thjesht preference personale,pasi ketu shqipot sjellin vetem /extra virgin/,kurse une preferoj/mild/,por kjo nuk ka rendesi.Rendesi ka, qe ka fermere qe po hyjne ne tregje te reja.Do deshiroja vetem qe ata djemte tuaj te shkathet qe shkojne ne Kolumbi e Brazil per te marre droge, apo per te gjetur treg droge ne BE,te tregonin te njejten shkathtesi dhe zell, per pune te ndershme,si ne rastin konkret,te gjenin treg per prodhime qe as te fusin ne burg dhe as nuk ha plumbin kokes,diku ne fund te botes.

    Përgjigju
  • Tirona: 08/12/2020 21:32

    Derdheni ne autostrade ashtu sic ka bere disa injorante dhe dembela duke derdhur qumshtin dhe hedhur mollet dhe domatet se presin cdo gje nga shteti .....

    Përgjigju
  • vlora: 08/12/2020 18:21

    Te gjithe fermeret bertasin se nuk kane treg.Prodhimet dalin ne shqiperi shitjet duan ti bejne me cmimet e europes.Ne Greqi litrin e vajit te ullirit e gjen dhe 4 euro ku i bie gati 5000 leke Ketu shesin bidonin 1.5 litra 9000 leke pra 6000 lek litri dhe fshatari jon i keput dhe ca vaj vegjetal brenda,e pastaj ankohen per treg.Zbrisni me kembe ne toke qe ate vaj ta blej dhe punetori

    Përgjigju
  • BENI: 08/12/2020 18:02

    FILLONI DHE EKSPORTIN NE MAQEDONI,,,DHE NE TE GJITHE LINDJEN E EUROPES....PO TE KAPET DHE TREGU KINEZ SHITJET DO JENE PAFUNDESISHT...

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë

22 Korrik, 23:02