SHKODËR – Babë e bir janë arrestuar pasi prodhonin dhe shisnin lëndë narkotike. Veprimtarinë e tyre ata e ushtronin në mullarin me bar në oborrin e shtëpisë së tyre. Policia e Shkodrës ka njoftuar se nga shërbimet e anti-drogës janë arrestuar Sadri Shpend Kuçaj, 55 vjeç dhe djali i tij Kujtim Kuçaj 29 vjeç , të dy këta lindur në Pult, Dukagjin dhe banues në shatin “Rrash Kullaj”, Komuna Gruemirë, rrethi M. Madhe.
Arrestimi i tyre u bë pasi, gjatë kontrollit të ushtruar në oborrin e banesës së tyre, pikërisht në një mullar me bar, është bërë e mundur gjetja dhe sekuestrimi në cilësinë e provës materiale e një arme zjarri automatik, sëbashku me 30 fishekë, si dhe një sasi lënda bimore, me peshë 100 gram, me karakteriastika të lëndës narkotike marjuanë, në gjendje të tharë, lëndë kjo e cila dyshohet të jetë përgatitur për shitje.