POP 5

Lajmet më të lexuara të 5 minutave të fundit

Sociale

PROFESIONALJA/ Vajzat në Cërrik duan të bëhen Veterinere, rrëfimi i nxënëses: Kam hasur me paragjykime, por e ndjek për pasion

Në shkollën e Mesme Profesionale të Cërrikut është rritur interesi i vajzave për të ndjekur degën e Veterinarisë, që dikur preferohej vetëm nga djemtë. Çfarë thonë nxënësit dhe mësuesit

Arkida Isufi është nxënëse e vitit të parë në shkollën e mesme profesionale të Cërrikut. Ajo ka zgjedhur të bëhet veterinere, një profesion që e ka me shumë pasion, por ka hasur në paragjykime.

“Kur ua thash prindërve u pëlqeu shumë si ide dhe ishin gati që unë të filloja. Ndërsa kuru a thashë shoqërisë e paragjykuan por nuk është se i dëgjova shumë”, shprehet Arkida Isufi.

Interesi për të ndjekur arsimin profesional nga të rinjtë është në rritje, por në Cërrik janë vajzat ato që përbëjnë pjesën më të madhe të regjistrimeve për vitin shkollor 2024-25. Këtë na e dëshmojnë jo vetëm mësuesit por edhe veterineret e ardhshme.

“Arsyeja e parë dhe më e rëndësishme ishte vazhdimi i pasionit. Që në moshë të vogël e kisha pasion të merresha me kafshët, dhe këtë ëndërr vendosa ta ktheja në pasion”, thotë një tjetër nxënëse.

Ana Mino, mësuese në shkollën e mesme profesionale të Cërrikut “Mihal Shahini”, thotë se numri i vajzave të regjistruara në vitin e parë është rritur me 40 për qind, krahasuar me vitin e kaluar. 

“Siç i shihni vajzat kanë shprehur interes në degën e veterinarisë. Në 5-vitet e fundit kemi rritje të regjistrimeve. Tashmë informohen që punësimi ndodh pas shkollës së mesme, sepse njihen si teknikë të mesëm. Edhe nëse duan të punojnë jashtë vendit diploma nuk njihet menjëherë”, shprehet mësuese Ana Mino.

Në shkollën “Mihal Shahini” mësojnë 138 nxënës nga gjithë qarku i Elbasanit, që i përgatit ata në drejtimet e Bujqësisë, Veterinarisë dhe Teknologjisë Ushqimore.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si e vlerësoni punën e qeverisë gjatë vitit 2024?

Lajme të tjera



×

Lajmi i fundit

Kurti si Berisha sulmon prokurorët e Kosovës, refuzon të dëshmojë: ‘Kërmij’ e ‘lepuj’ I përgjigjet prokurori special: Askush s' është mbi ligjin

Kurti si Berisha sulmon prokurorët e Kosovës, refuzon të dëshmojë: ‘Kërmij’ e ‘lepuj’ I përgjigjet prokurori special: Askush s' është mbi ligjin

30 Dhjetor, 15:10