Profil/ Kandidati i LSI, inxhinieri që
do shndërrojë Kavajën në Venecia 

Maksim Kona është kandidati i LSI për zgjedhjet e Kavajës. Kona është një emër i njohur në Kavajë me një “backgroung” të pasur në fushën e shkencave inxhinierike dhe në arkitekturë.
 
Maksim Kona ka lindur më 27 prill të vitit 1958 dhe i diplomuar për inxhinieri ndërtimi në Torino, është i specializuar në projektim e supervizionim të ndërtimeve civile, ndërtimeve industriale, rrugëve, veprave të artit, impiante dhe hidrocentrale.
 
Kona ka projektuar disa vepra infrastrukturore në Itali, ku ka jetuar për shumë vjet, por edhe në Shqipëri, ndërsa tashmë kërkon votën e tyre për të drejtuar bashkinë.
 
Nga një vështrim në faqen e tij në Facebook duket se Maksim Kona është vlerësuar disa herë me çmime për punimet e tij.
 
Në Facebook e tij nuk mungojnë citimet patriotike. "Dijeni se ky komb është si një zambak por i rrethuar prej ferrash dhe nuk e lënë të lëshojë erën e ëmbël....".
 


Statusi i Maksim Konës

Megjithatë ai që e bëri më të njohur inxhinierin është projekti për pastrimin e përroit të Leshniqes, në fshatin Qerret.
 
Projekti kishte në plan rehabilitimin e Përroit të Leshniqes, që lidh qytetin e Kavajës me Qerretin duke e kthyer në 'Venecian' shqiptare.
 
Zyrtarët e Bashkisë së Kavajës e lidhën ndërtimin e kësaj rruge edhe nga këndvështrimi turistiko–kulturoro–histrorike.
 
“Në këto territore kemi të bëjmë me disa fakte historike të një rëndësie të veçantë botërore.
 
Beteja e Durrachium, ku kulmin e saj e ka pikërisht në afërsi të Përroit. Rrallëherë në historinë e botës gjigante ndodhen njëkohësisht në të njëjtin vend për disa muaj.
 
Jul Qezari, Pompeu i madh, Mark Antonio etj., këtu në Kavajë për të ndarë fatet e botës”, thuhej në relacionin teknik te projektit.

Fotoja e projektit sipas bashkise se Kavajes

dy.b/shqiptarja.com