Mesa duket personi që sërish gjunjëzoi Francën kishte si objektiv policët, pasi edhe më parë ai ka tentuar të kryejë sulme ndaj tyre.

Karim Cheurfi i cili mendohet se është  autori i sulmit të mbrëmshëm në bulevardin e Champs Elysee është arrestuar në shkurt pasi kishte kërcënuar disa policë por u la i lirë për mungesë provash. 

Lajmi u konfirmua nga mediat franceze të cilat citojnë burime zyrtare.

Karim Cheurfi i cili u asgjesua nga policia ishte një element i skeduar, i radikalizuar me precedeetë penalë, i dënuar më parë për tentativë vrasje sërish ndaj agjentëve.

Të përditshmet raportojnë se në 23 shkurt Karim u ndalua pasi sipas agjentëve nuk kishte repektuar masën e arrestit në shtëpi, nuk kishte marrë kurat psikitarike të vendosura nga gjykata në bazë të dosjes së tij.  Por gjykatësi përgjegjës nuk e pa të arsyeshme që 39-vjecari të kthehej në qeli.

Nga ana tjetër mediat shkruajnë se 39 vjecari i cili vrau policin është dënuar në vitin 2003 me 20 vite por kreu vetëm 5 vite burg . Në atë kohë ai u përpoq të vriste tre persona mes tyre edhe 2 agjentë.

 Ai ishte i skeduar nga policia me emrin ‘fiche S’.

Karim ka lindur në 31 dhjetor 1979 në Livry-Gargan në  Seine-Saint-Denis dhe ishte resident në Chelles.

Ndërsa në shtëpinë e tij u gjetën elementë që vërtetojnë edhe një herë se ai ishte radikal islamik.

Redaksia Online
e.m/Shqiptarja.com