Laptope falas për të gjithë, kompjutera për të gjithë, bursa për të gjithë, dyfishim rrogash për të gjithë, shkollim në Harvard dhe Oksford me lekët e shtetit, e sa e sa më shumë. Por, midis premtimeve të paimagjinueshme, Basha ka marrë përsipër edhe një detyrë solemne.

"Angazhohem të siguroj tekste shkollore të reja falas për 350 mijë nxënës. Po kështu, fëmijët e të gjitha familjeve në nevojë do të përfitojnë paketë shkollore dhe tekste falas gjatë gjithë arsimit parauniversitar. Nuk do të lëmë asnjë fëmijë pa ndihmuar”, deklaroi kreu i PD!

Por Basha dukshëm është jashtë realitetit dhe nuk jeton me mendje në Shqipëri.

Kjo sepse prej pothuajse 5 vitesh, të gjithë fëmijët e kategorive në nevojë përfitojnë tekste falas për të gjithë vitet shkollore të arsimit parauniversitar.

Përsa i përket fëmijëve të tjerë, programi i nisur me ciklin fillor vit pas viti përfshiu gjithmonë e më shumë klasa, duke arritur në klasat I-VII aktualisht dhe të gjithë në vitin e ardhshëm shkollor.

Me sa duket, Lulzim Basha nuk ka dy vite që përgatitet për programin elektoral të PD, por e ka bere ne kushte te theksuara emergjence dhe me shpejtësi! Ndryshe nuk ka si shpjegohen gafa te tilla!/ Tema