Programi i PD-së në 2025, Rezart Kthupi në Report Tv: Fillon nga anti-korrupsioni! Mbështesim lindshmërinë! Domosdoshmëri krijimi i xhandarmërisë

PD bëri dje publik programin elektoral për zgjedhjet parlamentare të vitit 2025. Sekretari i kësaj force politike, Rezart Kthupi paraqiti në Report Tv pasditen e sotme, detaje nga programi i PD-së për zgjedhjet e ardhshm. Për Arbër Hitajn, Kthupi e nisi nga korrupsioni si problemi më madhor në shoqërinë shqiptare që ka nevojë për një zgjidhje konkrete.

'Filloi nga antikorrupsioni. Taksa më e madh që paguajmë sot është korrupsioni. Shqetësimi kryesor është korrupsioni. Nëse do të zhdukim taksën e korrupsioni kemi bërë lëvizjen më të mirë të mundshme. Pastaj vijmë tek gjërat e tjera.

Korrupsioni ka dy faza: parandalimi dhe ndëshkimi. Kemi SPAK që ndëshkon. Do të ofrojmë mbështetje pa kufij SPAK. Në burime njerëzore, financiare. Por është dhe ana parandaluese. Sot problemi qëndron tek administrata shtetërore. Do ti japim fuqi KLSH-së, do ta kthejmë në gjykatë, në gjykatë auditi. Do të japi urdhra detyrues. Do të jenë vendime të ekzekutueshme.

E dyta do riformatohet administrata publike. Nëse kemi drejtues të korruptuar nuk mund  të presësh që pjesa tjetër të jetë ndryshe. Pra duhet vetting politikanësh. Nga deputetë, kryetarët e bashkive te rikthehen dhe të rimarrin një provës vettingu.'

Sa i përket Komisionit të propozuar nga Partia Socialiste për luftën ndaj anti-korrupsionit, Kthupi e sheh si komision anti-SPAK.

'Ai është komisioni anti-SPAK. Kemi pasur qëndrim të qartë. Nuk është kjo mazhorancë subjekti më i mirë për të luftuar korrupsioni. Ka bërë të kundërtën e luftës ndaj korrupsionit. Shqetësimi i kësaj mazhorancës është SPAK. Shembulli më i madh është amnistia. Fjala e zotit Xhafa ishte e gjitha për sistemin e drejtësisë. Ajo që duhet të kemi frikë është se ata që kanë probleme me SPAK do bëhen bashkë për një komision antikorrupsion. Nxitimi i PS për të miratuar një rezolutë të njëanshme tregon se qëllimi është si të pengohet SPAK për të arritur tek maja e piramidës.'

Një problem tjetër është shpopullimi, sipas Kthupit, që PD dhe Basha duan ti japin zgjidhje ndër të tjera edhe me anë të nxitjes që çiftet e reja të lindin fëmijë, duke dhënë një bonus për fëmijën e tretë.

'Problemi i dytë është shpopullimi. Po goditet një krah pune që është i profesionalizuar. Është gjëja e parë që duhet ndaluar. E para duhet të rrisim numrin e lindjeve. Një nga propozimet e Bashës është bonusi për fëmijën e tretë. Kemi nevojë që çiftet e reja të lindin fëmijë. Duhet të shtohemi, pasi vetëm kështu mund të ndërtojmë një të ardhme më të mirë.'

Për turizmin, Kthupi thekson se duhen mbështetur faciltetet që turizmi të jetë më i frutshëm, duke nisur me sigurinë ushqimore, historinë, arkeologjinë dhe asete të tjera.

'Nuk ka turizëm të mirë pa bujqësi të mirë. Sot kemi një turizëm falë operatorëve turistike, jo se ka bërë shteti ndonjë gjë. Ka dhënë leje për ndërtime dhe ka bërë reklama ndërkombëtare. Operatorëve turistike ti japim disa facilitete. Ti incetivojmë bujqit. Të rrisim sektorin në një të vetëm.'

PD propozoi ndër të tjera edhe ngritjen e xhandarmërisë, për të lehtësuar edhe punën e policisë së shtetit dhe për të dhënë autonomi pushtetit lokal.

'Kemi ngritur nevojën e ngritjes së xhandarmërisë. Ajo që duhet të japim pushtetit lokal e drejta e ushtrimit të rendit publik. Duhet administruar nga bashkitë dhe policia e shtetit lirohet. Dhe krijohet xhandarmëria që nuk ka lidhje me transportin, por me konstatimin e ushtrimit të veprave kriminale. Të krijohet një trup e specializuar për hetimin e krimeve. Programi është i integruar.'

Lidhur me gjyqin e vulës në Apel më datë 11 qershor, Kthupi beson se do vendoset në favor të forcës ku bën pjesë.

'Mezi po presim të vijë data 11 të shkojmë në gjyq. Jemi shumë të bindur që Apeli ka vetëm 1 mundësi të lejë vulën aty ku është. Pritshmëritë tona janë të sigurta që është një gjyq që do ta fitojmë nuk do ta humbim. Do të pranojmë çdo vendim që gjykata do të japi pavarësisht si do të jetë. Vendimet e gjykatave nuk diskutohen por zbatohen.'

Problem tjetër i evidentuar edhe në programin e PD-së janë pronat. Kthupi thotë se mekanizmi që do përdoret që ky problem të zgjidhet një herë e mirë, është kthimi fizik tek pronarët.

'Ka elementë për të përmirësuar. P.sh çështja e pronave duam ta zgjidhim në mënyrë definitive. Ka një faturë 8 miliardë euro. Mekanizmi është kthim fizik kudo ku prona është. Ka një paqartësi për hartat kadastrale, duhet digjitalizim i vendimeve të AKP. Do ketë dhe mekanizëm të kthimit me kompensim, me obligacion. Do të jetë obligacion 5 apo 10-vjeçar.'

Në vijim do të ketë një tur kombëtar ku programi i PD-së për zgjedhjet do jetë edhe më i konsoliduar.

'Procesi i organizimit të brendshëm është mbyllur. Duhet të afrojmë njerëz për të qenë në PD. Sot është çështje elektorale, programi do shpërndahet në të gjitha degët.  Do ketë një tur të përgjithshëm kombëtar për të marrë mendime. Do konsolidohet programi.'

Rendit zhvillimet sipas orarit:
Ora 18:08
'Pronat do t'i zgjidhim në mënyrë definitive', Kthupi paraqet programin e PD-së: Kthim fizik kudo ku prona është

1717343810_rezartkthupi.jpg

Sekretari i PD-së Rezart Kthupi teksa bëri publike detaje në Report Tv, nga programi i Partisë Demokratike për zgjedhjet parlamentare të 2025, u ndal edhe tek çështja e pronave që sipas tij, PD-ja do t'i japi zgjidhje përfundimtare. 

'Programi do fillojë të detajohet publikisht. Do të kemi një prani masive mediatike për të shpallur çdo pikë të programit. Kemi dhe takime me grupet e interesit. Ka elementët që duhen diskutuar me grupet e interesit. Ka elementë për të përmirësuar. P.sh çështja e pronave duam ta zgjidhim në mënyrë definitive. Ka një faturë 8 miliardë euro. Mekanizmi është kthim fizik kudo ku prona është. Ka një paqartësi për hartat kadastrale, duhet digjitalizim i vendimeve të AKP. Do ketë dhe mekanizëm të kthimit me kompensim, me obligacion. Do të jetë obligacion 5 apo 10-vjeçar.'

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

FSHF arrin akordin me Andrea Tedescon, tekniku italian do të marrë drejtimin e Kombëtares U17

FSHF arrin akordin me Andrea Tedescon, tekniku italian do të marrë drejtimin e Kombëtares U17