Programi, PD nis diskutimet 
e hapura me grupet e interesit

TIRANË - Programi qeverisës i Partisë Demokratike është finalizuar nga 22 departamentet. Pas konsultimeve me specialistë të fushës gjatë muajit janar, ku u pasuruan më tej dokumentet me ekspertizën dhe idetë më të mira, programi do t’i prezantohet zyrtarisht grupeve të interesit. Secili prej departamenteve po bën publik propozimet sektoriale për çdo fushë të tyre duke ofruar për shqiptarët alternativën qeverisëse të opozitës. Muajin e ardhshëm do të jetë vetë kryetari i Partisë Demokratike, Lulzim Basha i cili do të bëjë prezantimin publik të programit. Gjithashtu, burime pranë PD thonë se Basha do të nisë një tur takimesh në bazë për të prekur nga afër problemet e arsimit, shëndetësisë, bujqësisë, infrastrukturës etj.