POP 5

Lajmet më të lexuara të 5 minutave të fundit

Ekonomi

Nga COVID-i rënia ekonomike 6.1%! Denaj: Në vitin 2021, 6 mld lekë për pandeminë (VIDEO)

Pandemia ka tkurrur me 6.57% ekonominë e vendit në 6 muajit e parë të vitit, për këtë arsye edhe ministria e Financave ka rishikuar qëndrim lidhur me pritshmëritë. Ndryshe nga deklarata e fillimit të tetorit, ministrja e Financave është shprehur sot se viti mbyllet me recesion 6.1% dhe jo me 5%.

TIRANË- Ministria e Financave rishikon pritshmëritë e saj lidhur me rënien ekonomike të këtij viti, si pasojë e pandemisë COVID-19. Ministrja Anila Denaj ka deklaruar në konferencën e kryetarëve se tkurrja do të jetë 6.1% dhe jo 5%.

“Pritshmëria jonë mbi rritjen ekonomike në fund të vitit 2020 është parashikuar në nivelin -6.1%. Për gjashtëmujorin e parë të vitit 2020 rezultoi një rënie ekonomike në nivelin e minus 6.57%”, tha Denaj. Por edhe me këtë rishikim përsëri qeveria shqiptare eshte me optimistë se institucionet ndërkombëtare, pasi Banka Botërore pret rënie me 8.4%, BERZH -9%, dhe FMN recesion 7.5%. Financimi i nevojave të shkaktuara nga pandemia, do të marrë 60 milionë dollar në vitin që vjen.

“Për vitin 2021, kostoja totale e prioriteteve për përballimin e pandemisë COVID-19 do të financohet nga buxheti është rreth 6 miliardë lekë, ku përfshihet dhe kosto e parashikuar për vaksinën Anti-COVID dhe do të garantojë një menaxhim sa më të mirë dhe efikas të pandemisë COVID 19”, pohoi ministrja.

Në konferencë Denaj ka prezantuar për herë të parë edhe projektbuxhetin e vitit 2021, që synon rritje ekonomike 5.5% si dhe investime të shtuara.

“Të ardhurat buxhetore për vitin 2021, parashikohen të arrijnë 479 miliard lekë, nga këto, të ardhurat tatimore 437 miliard lekë. Krahasuar me të pritshmin e vitit 2020, të ardhurat gjithsej të buxheti të shtetit rriten 10.6 %, ndërkohë që të ardhurat tatimore nga tatimet dhe doganat rriten 12.2 %. Shpenzimet Buxhetore për vitin 2021 të programuar në nivelin e 587.6 miliardë lekë ose 34.9% e PBB”, tha Denaj.

Projektbuxheti i sapo miratuar do të ketë prioritet arsimin, shëndetësinë, bujqësinë, infrastrukturën, si dhe mbështetjen e plotë të procesit të rindërtimit nga tërmeti.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56