Projektet e dhëndrit të Donald Trump në Shqipëri, Rama: Do të sjellë fitime të jashtëzakonshme për vendin

Projektet e dhëndrit të Donald Trump në Shqipëri, Rama: Do të sjellë fitime të jashtëzakonshme për vendin

Kryeministri Edi Rama

“Ne kemi nevojë për super luks, ashtu si një shkretëtirë ka nevojë për ujë”. Kështu shprehet kryeministri i Shqipërisë, Edi Rama, në një prononcim të shkurtër për “Financial Times”, sa i takon planeve të Jared Kushner në Shqipëri.

Rama sqaron se qasja fillestare për projektin miliona dollarësh të dhëndrit të ish-presidentit amerikan, Donald Trump për transformimin e ishullit të Sazanit u bë nga vetë Kushner.

Kjo ndryshe nga planet e investimeve në Serbi, të cilat duket se patën një “negociator”, ish të Dërguarin Special të Shteteve të Bashkuara të Amerikës për dialogun Kosovë-Serbi, Richard Grenell.

“Kushner dhe Grenell bënë ofertën në Shqipëri përpara se të ktheheshin për të investuar në Serbi. I vetmi ndryshim është se në Shqipëri ishte Kushner, jo Grenell, ai që bëri qasjen fillestare”.

“Në Serbi sigurisht që Grenell ishte prezantuesi, por këtu jo”, thotë Rama.

Në mars numri një i Qeverisë theksoi se, Kushner ka bërë një kërkesë zyrtare për ishullin e Sazanit, që ai të investojë aty për ngritjen e një resorti turistik luksoz.

Megjithatë, Rama ka thënë po ashtu se Kushner me kompaninë e tij nuk ka bërë kërkesë zyrtare sa i takon Zvërnecit.

Vetë fakti se investimi mund të ndodhë ndërkaq, sipas Ramës, do të sjellë fitime të jashtëzakonshme për Shqipërinë, pasi në idenë e ngritjes së një zone luksi turistik, një turist aty pritet të shpenzojë një shumë aq sa 100 turistë të zakonshëm në vend, duke u kthyer kështu në një zonë të turizmit të lartë për herë të parë në Shqipëri.

Pse po e kërkon Kushner investimin e Sazanit?

Jared Kushner, dhëndri i ish-Presidentit amerikan, Donald Trump dhe një figurë e shquar në politikën amerikane, ka vendosur synimin e tij në Ballkan me planet për tre zhvillime transformuese të pronave në Shqipëri dhe Serbi.

Përpjekja e Kushnerit në rajon vjen ndërsa firma e tij e kapitalit privat me bazë në Miami, Affinity Partners, angazhohet në diskutime të avancuara për investime që tejkalojnë 1 miliard dollarë, me shpresën për të riformuar peizazhin e turizmit dhe pasurive të paluajtshme në Evropën Juglindore.

Ndër projektet ambicioze është shndërrimi i ishullit të Sazanit të Shqipërisë, dikur një bastion ushtarak, në një komunitet luksoz eko-resort të markës Aman.

“Aftësia për të zhvilluar 3 milje vijë bregdetare të bukur dhe një ishull 1400 hektarësh në mes të zemrës së Mesdheut është unike”, tha Kushner fillimisht për “The New York Post”.

“Uji është blu kristal si Maldivet. Eshte e bukur. Plazhet janë të pabesueshme dhe është vetëm një nga këto vende të veçanta.”

Kushner tërhiqet nga sektori i turizmit në zhvillim të Shqipërisë, i nxitur nga rritja e tij e shpejtë dhe vlerësimi ndërkombëtar.

Veçanërisht, Ksamili i Shqipërisë renditet ndër destinacionet kryesore globale në Airbnb, duke reflektuar daljen e vendit nga e kaluara e tij komuniste për t’u bërë një pikë e nxehtë për udhëtarët që kërkojnë bukuri të paprishur dhe intriga historike.

Dikur e quajtur “Koreja e Veriut e Evropës”, Shqipëria ka pësuar një evolucion dhe tani krenohet me stabilitetin makroekonomik, një industri turistike në rritje dhe një tërheqje në rritje për investitorët ndërkombëtarë.

Të dhënat nga UNWTO (Organizata Botërore e Turizmit të Kombeve të Bashkuara) nënvizojnë ngjitjen e Shqipërisë si destinacioni turistik me rritje më të shpejtë në Evropë, duke e pozicionuar atë përkrah peshave të rënda globale si Katari dhe Arabia Saudite.

M.Q./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tani: 11/07/2024 17:16

    Si ju jepka toka e deti te huajve ne ket menyre? Ne Shqiptret te bohemi te huaj ne vend tone. Si u merkan keto vendime klienteliste te nji pas njishme? O zot, me pikon zemra!

    Përgjigju
  • emigranti: 10/07/2024 07:02

    do sjelli nje mvt te madh

    Përgjigju
  • Idi: 09/07/2024 16:27

    Kujdes o komandant se ata i kane avokatet syshqiponja dhe po e shet token e shenjte qe ta paska falur baba per hicgje. Dhe te genjen mendja se do perfitosh gje nga ata.

    Përgjigju
    • Or tej: 09/07/2024 22:27

      Qaji hallin atij qe me siguri do perfitoje sesben dicka or teeeejjjjj

  • Best: 09/07/2024 16:10

    Rama vertete patriot. Do fillojne amerikanet te flasin shqip. Grekeve do ju vije inat, por kjo esht jeta.

    Përgjigju
    • emigranti: 09/07/2024 19:41

      ti ke pj3rdhur nga trute a te q1fja udhet

  • Lexues: 09/07/2024 14:19

    Fitime te jashtezakonshme si nafta e Shpiragut o gjigand? Lereni Sazanin e zkaraburunin si i ka bere natyra, jane vendi i betem i paprekur ne Mesdhe. Nuk eshte paraja aellimi i jetes o te pangopur te mallkuar!

    Përgjigju
    • Den: 09/07/2024 19:19

      Po o babam Lere sazanin si e ka bere natyra dhe ty bishtin qe akoma nuk te eshte evoluar sipas teorise se Darvinit

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Nuk jeni shumë të fokusuar te dashuria... horoskopi për sot

Nuk jeni shumë të fokusuar te dashuria... horoskopi për sot