Projekti i ri tek Sheshi i Flamurit, proteston një grup qytetarësh në Vlorë: Të hiqen këto mbeturina, sheshi është i joni

Një grup qytetarët me në Vlorë ka protestuar këtë të diel kundër projektit të sheshit të flamurit në qytet. Protesta është thirrur nga shoqëria civile të cilët kanë kërkuar transparencë për këtë projekt.

Sipas qytetarëve projekti po rrënon historinë në një shesh që i përket jo vetëm Vlorës, por edhe të gjithë shqiptarëve kudo që janë.

“Unë vij nga Tirana, me origjinë jam nga Kuçi i Vlorës. Është një projekt i pakuptimit. Dua kur te kthehem në qytetin tim mos të shoh një terminal autobusësh përballë sheshit të flamurit.”, tha njëri prej protestuesve.

LEXO EDHE:
Meta në Vlorë: ‘Nëndetësja 105’ është kthyer në bazë, Sazani do jetë aty ka qenë jetë e mot

“Nuk jam e foltores. Ky shesh ishte një shesh që na frymëzonte. Ky është sheshi i pavarësisë. Këta burra janë mundur që na sollën pavarësinë. U zuri frymën dëshmorëve. Ky është një krim. Kërkojmë që këto mbeturina të hiqen dhe sheshi të mbetet për popullin. Kryeministër mund të na lësh pa bukë, por jo pa dinjitet.”, tha një tjetër.

Një vit më parë kryeministri Edi Rama sqaroi elementët historik dhe rëndësinë e këtij sheshi, që me përfundimin e këtij investimi do të nxjerri edhe më shumë në pah vlerat që mbartë.

J.GJ./Shqiptarja.com

TAG:
• Vlore
• Protesta