TIRANE- Hapja e dosjeve me sa duket tashmë është një çështje e përfunduar pasi qeveria shqiptare, vetëm pak ditë pas deklarimit të kryeministrit Edi Rama ka përgatitur dhe dorëzuar draftin e këtij ligji.

Kështu, qeveria përmes Ministrit të Mirëqenies Sociale dhe Rinisë Erjon Veliaj paraqet publikisht një projektligj të ri për hapjen dosjeve, duke i dhënë nota institucionale miratimit të Lustracionit, bazuar në modelin gjerman.

Ai titullohet “Për të drejtën e informimit për dokumentet e ish­Sigurimit të Shtetit të Republikës Popullore Socialiste të Shqipërisë”, me qëllim transparencën dhe mundësimin për çdo të interesuar të së drejtës për informim mbi dokumentet e ish­-Sigurimit të Shtetit, ka prioritet përcaktimin e rregullave për procesin e mbledhjes, administrimit e përdorimit të dokumenteve të ish­Sigurimit të Shtetit.