Projektligji për Veteranët e UÇK-së
diskutohet të enjten në Kuvend
Projektligji për Veteranët e Ushtrisë Çlirimtare të Kosovës do shqyrtohet për herë të parë në seancën plenare të Kuvendit të Kosovës të enjten në 13 mars.
PRISHTINE- Projektligji për Veteranët e Ushtrisë Çlirimtare të Kosovës do shqyrtohet për herë të parë në seancën plenare të Kuvendit të Kosovës të enjten në 13 mars.
Në mbledhjen e miratimit nga Qeveria në 5 shkurt u bë e ditur se “ky projektligj përfshinë të drejtat dhe përfitimet për të gjithë ushtarët e Ushtrisë Çlirimtare të Kosovës, ushtarëve të Kosovës, në të gjitha periudhat që nga fillimi i rezistencës së armatosur, deri në çlirimin definitiv të Kosovës”.
Kryesia e Kuvendit të Republikës së Kosovës , në mbledhjen e djeshme, në të cilën merrnin pjesë edhe shefat e grupeve parlamentare, e ka konfirmuar dhe plotësuar rendin e ditës për seancën e 13 marsit.
Sipas axhendës së njoftuar, në seancën plenare të Kuvendit do të shqyrtohet për herë të parë edhe Projektligji për Provimin Përfundimtar dhe Provimin e Maturës Shtetërore, ndërsa për herë të dytë Projektligji për Shërbimin Gjeologjik të Kosovës, si dhe Projektligji për ndryshimin dhe plotësimin e Ligjit për Dhomën e Posaçme të Gjykatës Supreme të Kosovës për Çështjet në lidhje me Agjencinë Kosovare të Privatizimit.
Për të njëjtën seancë është parashikuar shqyrtimi i planeve për tre parqe natyrore: Plani Hapësinor “Monumenti i Natyrës me rëndësi të Veçantë Ujëvarat e Mirushës“, Plani Hapësinor Zona e Mbrojtur me Interes të Veçantë “Beteja e Koshares”, si dhe Propozim-vendimi i Qeverisë së Kosovës për hartimin e Planit Hapësinor të Parkut Kombëtar “Bjeshkët e Nemuna”.
Do të shqyrtohet edhe Raporti i Komisionit për Punë të Jashtme për Mbikëqyrjen e zbatimit të Ligjit për marrëveshjet ndërkombëtare, si dhe rekomandimet e Organit përzgjedhës të pavarur për emërimin e kryetarit dhe të anëtarëve të Organit Shqyrtues të Prokurimit. Në pjesën e fundit të seancës do të procedohet me zgjedhjen e Avokatit të Popullit, të një anëtari joekzekutiv në Bordin e BQK-së , si dhe do të shqyrtohet propozimi për emërimin e kryesuesit dhe të pesë anëtarëve të Komisionit të Pavarur për Media ( të gjithë këta do të zgjidhen me votim të fshehtë në seancën e Kuvendit)
Redaksia online (ata/sg/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
24.7%
-
Njësoj
14.7%
-
Më keq
60.6%
Vota total: 3756
Votat totale janë unike
Lajme të tjera
-
Zbërthimi i rrjetit kriminal në bashkëpunim me SPAK, Europol: Goditet grupi famëkeq shqiptar! Gjatë ditës së aksionit 3 ekspertë u vendosën në Tiranë
1 Gusht, 18:19
-
Paris 2024/ Notoi në lumin Sena për garën e Lojërave Olimpike, atletja ndan eksperiencën: Pashë gjëra që as dua t’i mendoj
1 Gusht, 18:00
-
Mafia e shezlloneve dhe fushata anti-kombëtare: “Shqipëria s’ka turistë”
1 Gusht, 17:37
-
Liverpooli ndjek 'këmba-këmbës' Kristjan Asllanin, mesfushori pëlqehet edhe nga Dortmundi
1 Gusht, 17:30
-
Zbërthimi i grupit kriminal të vëllezërve nga Elbasani, SPAK: Sekuestrohen 42 pasuri! Apartamente, vila, tokë e llogari bankare
1 Gusht, 17:28
-
Të fuqizuar nga tregu ndërkombëtar i drogës, SPAK: Grupi kriminal i vëllezërve pastruan paratë në ndërtim në Tiranë, Durrës dhe Elbasan
1 Gusht, 17:19
-
Jemi më të bukurit apo më të shëmtuarit? Edhe në turizëm debati ynë është në ekstrem
1 Gusht, 17:13
-
U grabitën 10 mln euro në Rinas, SPAK: Vjedhja e 2019 u krye nga organizata kriminale e vëllezërve Çopja
1 Gusht, 17:05
-
'Plumbi i Artë 2', SPAK zbardh pas 5 vitesh vrasjen e Andi Zylyfit, djali i hallës së Endrit Alibejt
1 Gusht, 17:00
-
Paris 2024/ E mërkura nata e rekordeve! Pan theu rekordin botëror dhe Marchand vendosi dy rekorde olimpike brenda dy orësh
1 Gusht, 17:00
-
DETAJE/ Vëllezërit Çopja korruptuan gjyqtarë në Elbasan! SPAK: Rekrutuan punonjësen e Gjykatës t'iu jepte të dhëna sekrete
1 Gusht, 16:48
-
SPAK zbardh motivin e Masakrës së Bradasheshit! Vëllezërit Çopja tentuan 4 herë të vrasin Erjon Alibejn, 2 herë Nuredin Dumanin
1 Gusht, 16:36