Projektligji, qeveria rrit moshën
e daljes në pension për deputetët

TIRANE- Reforma e pensioneve do të prekë të parët të zgjedhurit vendorë. Përfaqësuesit e mazhorancës kanë gati projektligjin për pensionet e funksionarëve të lartë të shtetit të cilin do t’ia kalojnë komisioneve parlamentare për shqyrtim dhe më pas do ta votojë në seancë plenare. Ministri i Mirëqenies Sociale dhe Rinisë, Erjon Veliaj ka prezantuar dje nismën e qeverisë duke theksuar se në projektligjin e përgatitur është menduar që të ketë një rritje të moshës së pensionit për zyrtarët e lartë dhe uljen e pensionit me 5 vjet për të gjithë individët që kryejnë punë të vështira.