Projektligji,qeveria urdhër bashkive:
Saktësoni adresat deri në 31 dhjeto

Një nga problemet më të mëdha në Shqipëri, ai i mungesës së një sistemi të saktë adresave, pritet të marrë fund në mbyllje të këtij viti. Për këtë çështje qeveria ka punuar në disa drejtime, duke sjellë së fundi në Kuvend një projektligj i cili synon plotësimin e adresarit deri në 31 dhjetor 2016, duke ashpërsuar dhe gjobat për ata që i shmangen këtij detyrimi. “Projektligji “Për disa ndryshime dhe shtesa në ligjin nr.9270, datë 29.7.2004, “Për sistemin e adresave”, të ndryshuar”, synon të pasqyrojë ndryshimet të cilat nuk janë sjellë me ligjin nr.115, datë 31.7.2014, “Për ndarjen administrativo-territoriale të njësive të qeverisjes në Republikën e Shqipërisë”.