Prokurori i Përgjithshëm, Nishani
nesër takime me krerët e partive

TIRANE - Presidenti i Republikës Bujar Nishani, do të presë nesër në zyrën e tij drejtuesit e gjashtë partive parlamentare për tu konsultuar lidhur me zgjedhjen e Prokurorit të ri të Përgjithshëm.

Nëpërmjet një njoftimi nga zyra e shtypit të presidencës thuhet Nishani do t’i presë politikanët në takime të veçanta.

Ndërkaq, axhenda e zbardhur nga zyra e shtypit, është thuajse e njëjtë me atë të takime të datës pesë nëntor që presidenti realizoi me krerët e partive parlamentare për konsultime lidhur me datën e zgjedhjeve parlamentare të vitit 2013.

JA SI DO TE JETE AXHENDA E TAKIMEVE:
Ora 10:00 - Takim me Kreun e Grupit Parlamentar të Partisë Demokratike, Astrit Patozi
Ora 11:00 – Takim me Kreun e Grupit Parlamentar të Partisë Socialiste, Gramoz Ruçi
Ora 12:00 – Takim me Kreun e Grupit Parlamentar të Partisë Lëvizja Socialiste për Integrim, Lefter Koka
Ora 13:00 – Takim me Kryetarin e Partisë Republikane, Fatmir Mediu
Ora 14:00 – Takim me Kryetarin e Partisë Bashkimi për të Drejtat e Njeriut, Vangjel Dule
Ora 15:00 – Takim me Kryetarin e Partisë Drejtësi, Integrim dhe Unitet, Shpëtim Idrizi

Redaksia Online
(Gre.M/Shqiptarja.com)