Prokuroria Fier sekuestron pasuri me vlerë 1.8 milion euro të dyshuara se burojnë nga trafiku i drogës

FIER- Mijëra ha tokë, apartament, vendparkim, 13 makina dhe llogari bankare, pasuri në total me vlerë rreth 1.8 milion euro janë sekuestruar me firmë të gjykatës së Fierit dhe kërkesë të prokurorisë së këtij qytetit. Pasuria marramendësi është në pronësi të një personi me inicialet A.M, emri i të cilit ende nuk bëhet me dije. Kjo pasuri dyshohet se është vënë nga aktiviteti kriminal i trafikun e drogës.

Mes pronave të sekuestruara janë dhe një automjet “Ferrari”, model California, me vlerë rreth 130.000 Euro ora të markës “Rolex”, si dhe bizhuteri dhe sende të tjera të çmuara me vlera të konsiderueshme e llogari bankare 120 mijë euro.

Bëhet fjalë për procedimin penal me  nr. 1162 të vitit 2020, për veprën penale “Pastrimi i produkteve të veprës penale ose veprimtarisë kriminale” parashikuar nga nenin 287 i Kodit Penal.

LEXO EDHE:
Aksident në aksin Fier-Levan, një person përplaset nga mjeti teksa po lëvizte me biçikletë

Ky procedim është regjistruar në bazë të referimit të Drejtorisë Vendore të Policisë Fier për shkak të dyshimit të krijuar se shtetasi A.M. është i përfshirë në veprimtari kriminale në fushën e trafikimit të lëndëve narkotike dhe veprimeve të kryera për të mbuluar origjinën reale të pasurive në zotërim të drejtpërdrejte apo të tërthortë prej tij.

Mbështetur në të dhënat e administruara për llogari të procedimit penal, Prokuroria pranë Gjykatës së Shkallës së Parë Juridiksionit të Përgjithshëm Fier, bazuar në ligjin nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar, ka regjistruar kryesisht procedimin pasuror nr. 3/2024.

Për rrjedhojë, bazuar në ligjin nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar, është kërkuar në Gjykatë marrja e masës parandaluese me karakter pasuror, e cila konsiston në sekuestrimin e disa pasurive të paluajtëshme dhe të luajtëshme. Kjo kërkesë është pranuar nga Gjykata, si e bazuar në ligj dhe prova, informoi sot prokuroria e Fierit. 

Në vijim të vendimit të Gjykatës dhe urdhërit të Prokurorit, janë ekzekutuar nga policia gjyqësore një pjesë e sendeve të sekuestruara, si më poshtë:

Pasuritë e mësipërme janë një pjesë e pasurive që janë arritur të ekzekutohen nga policia gjyqësore pasi vijon puna për ekzekutimin e sekuestrimit të sendeve të tjera të cilat janë objekt i sekuestros.

Po ashtu, në funksion të procedimit penal nr. 1162, të vitit 2020, regjistruar për veprën penale “Pastrimi i produkteve të veprës penale ose veprimtarisë kriminale”, parashikuar nga nenin 287 i Kodit Penal, mbi bazën e kërkesës së organit të akuzës dhe vendimit të Gjykatës të datës 11.06.2024, është lejuar kontrolli i banesës apo ambjenteve të personave objekt i hetimeve. Gjatë kontrollit janë sekuestruar:

- Një automjet “Ferrari”, model California, me vlerë rreth 130.000 Euro.

- Ora të markës “Rolex”, si dhe bizhuteri dhe sende të tjera të çmuara me vlera të konsiderueshme.

Në total vlera e pasurive/aseteve të sekuestruara për llogari të procedimit pasuror dhe atij penal, shkon në vlerën rreth 1.8 milion euro.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për vijimin e hetimeve të grupveprat që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre.

TAG:
• Fier

Sondazhi i ditës:

Si e vlerësoni urdhrin për heqjen e pushimeve verore për policët?

• I drejtë

  28.7%

• I padrejtë

  65.7%

• Nuk e di

  5.6%

Vota total: 2827

Votat totale janë unike

• Sondazhi i ditës:

  Si e vlerësoni urdhrin për heqjen e pushimeve verore për policët?

  I drejtë I padrejtë Nuk e di