POP 5

Lajmet më të lexuara të 5 minutave të fundit

Kultura

Promovohet revista shkencore 'Arkivat Shqiptare'! Bido: Brenda 2022 shërbim i unifikuar Shqipëri-Kosovë

Institucionet e Arkivës së Pasurisë dhe Trashëgimisë Kulturore të Shqipërisë dhe Kosovës në përmbyllje të punës së këtij viti publikuan numrin e ri të revistës së përbashkët shkencore “Arkivat Shqiptare”. Kreu i Arkivës shqiptare Ardit Bido, tha se brenda 2022 do të ofrohet shërbim i unifikuar për dokumentacionin arkivor të dy vendeve.

Historia dhe pasuria e trashëgimisë kulturore të institucionit të Arkivës së Kosovës dhe Shqipërisë do të jenë tanimë të përmbledhura në një revistë të përbashkët “Arkivat Shqiptare”. Në bashkëpunim me agjencinë e Arkivës Shtetërore të Kosovës, Drejtoria e Përgjithshme e Arkivave në Tiranë, promovoi numrin e ri të periodikut shkencor “Arkivat Shqiptare”, me qëllim unifikimin e punës arkivore të trevave shqiptare.

“Kënaqësi e veçantë për mua që sot marr pjesë në aktivitet për përurimin e revistës tonë të përbashkët që është fryt i punës sonë të përbashkët. Përgjithësisht kjo revistë ka shënuar një standard tjetër sidomos numri I fundit kemi shënuar një ngritje të cilësisë", tha kreu i Agjencisë Shtetërore e Arkivave të Kosovës, Bedri Zyberaj.

Për Drejtorin e Arkivës Qendrore të Shtetit, Ardit Bido, brenda vitit 2022 përmes shërbimit të digjitalizimit do të mundësohet një akses i përbashkët për studiuesit në përdorimin e dokumenteve të dy shteteve.

"28 Nëntori i vitit tjetër do t’i gjejë dy arkivat tona që të shërbejnë njësoj, që në Tiranë të mund të studiohen dhe aksesohen dokumentet e Arkivit të Prishtinës. Dhe që në Prishtinë, në Podujevë apo në Ferizaj, në Maqedoni e Veriut, në Mal të zi e kudo në trevat shqiptare që të aksesohen njëkohësisht të dy arkivat tona pa e ditur mundësisht studiuesi se ku gjendet dokumenti”, tha Ardit Bido, Drejtori i Arkivës Qendrore të Shqipërisë.

Arkiva Qendrore e Shtetit ruan deri një fond arkivor prej 200 milionë dokumentesh ndërsa synimi i revistës shkencore është të unifikojë shërbimin hulumtues të botimeve e dokumentacionit mes dy vendeve.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ 'Mangalem's Shade', magjia e dritave në lagjen muzeale të Beratit

VIDEO/ 'Mangalem's Shade', magjia e dritave në lagjen muzeale të Beratit

25 Dhjetor, 09:03 nga Mimoza Sinanaj