Pronat dhe llogaritë e Astrit
Veliajt, pasuria Tom Doshit

Deputeti i Partisë Demokratike, Astrit Veliajt, gjatë vitit 2015, ka deklaruar pranë ILDKP blerjen e një sipërfaqeje trualli dhe ndërtese në shumën 130 mijë euro. Po ashtu, Veliaj deklaron se ka marrë 1.54 për qind të aksioneve të shoqërisë “Stamles”, 64 mijë euro dhe 1 711 338 lekë. Deputeti demokrat thotë se ka lënë si garanci 15 prona të tij për një kredi të marrë tek një person juridik. Deputeti nuk e deklaron shumën e kredisë, por numri i pronave të vendosura si kolateral, nënkupton se bëhet fjalë për një shumë të madhe. Ndërkaq, bashkëshortja e Veliajt, Adelina Kristo Veliaj, deklason gjendjen e likuiditeteve në bankë në shumën 491,329 lekë si dhe të ardhura nga paga si administratore e UFO-s, 959,784 lekë.
Ndërkaq, deputeti Tom Doshi deklaron shkëmbimin e një apartamenti, shitje  kuotash kapitali ne vlerën  35,000,000 lekë, shitblerje pasurish të paluajtshme në vlerat 78,615,600 lekë, 150,
000 lekë, 150,000 lekë dhe 150,000 lekë. Po ashtu, Doshi deklaron të ardhura nga qeraja në Australi, fitim nga shoqëria Aldosch, 4 020 729 lekë, fitim nga shoqëria Antibiotik, 16 050 342 lekë, fitim nga shoqëria Profarma, 76 149 478 lekë, fitim nga shoqëria Galaxy, 15 225 050 lekë etj. Tom Doshi thotë se ka marrë hua në shumat 50 mijë euro, 106 940 000 lekë dhe 54 mijë euro. Po gjatë vitit, 2015 deputetit Doshi deklaron se ka shlyer borxhet në shumat 7 000 000 lekë, 17 729 060 lekë, 258 mijë euro, 59 mijë euro dhe 11 950 000 lekë.

Deputetë me pasuri modeste  
Disa ligjvënës shqiptarë deklarojnë vetëm pagat. Kështu, deputetja deklaron të ardhurat nga paga si deputete 1,563,336 lekë si dhe nga puna në Universitetin e Elbasanit, 980,000 lekë. Ndërsa deputeti Gent Strazimiri thotë se ka marrë dy overdrafte 500,000 lekë dhe 1,000,000 lekë. Deputeti deklaron një shtesë prej 70,208,89 lekësh në një llogari bankare si dhe të ardhura nga paga dhe shpërblimet, 2,443,827 lekë. Ndërkaq, kryetari i grupit parlamentar të PD, Edi Paloka deklaron se ka shitur makinën 5 mijë euro, pagën si deputet 2,556,247 lekë, pagën e bashkëjetueses nga puna si bibliografe në Shkollën e Magjistraturës etj.