POP 5

Lajmet më të lexuara të 5 minutave të fundit

Politikë

Propozim i PL: Pension të pjesshëm kush ka nën 15 vite pune! Meta: E çojmë në Kuvend, pensionistët më të diskriminuarit nga kjo qeveri

Partia e Lirisë do të propozojë nismë ligjore që pension të pjesshëm të përfitojnë edhe ata që kanë paguar më pak se 15 vite sigurime shoqërore. Ilir Meta thirri në tryezë pensionistët dhe ekspertët ku pas shqetësimeve, do dërgojë në Kuvend propozimet për reformën e skemës së pensioneve.

Njohja e pensioneve të shqiptarëve nga Italia është një hap i madh thotë Ilir Meta kreu i Partisë së Lirisë, por ky ishte fryt i 15 vjet negociatave ndërsa qeveria shqiptare ka përjashtuar nga skema kontribuuesit me më pak se 15 vite punë.

“Iniciativë ligjore për ndryshimin e skemës së sigurimeve shoqërore për t’u mundësuar të gjithë atyre personave të cilët nuk i kanë plotësuar vitet e nevojshme të punës sipas ligjit, të përfitojnë pension të pjesshëm të pleqërisë, pavarësisht se kanë më pak se 15 vite gjithsej pune”, tha Meta.

Në tryezë me pensionistët, invalidët e punës dhe grupe e tjera përfituese, Meta veçoi se rritja e pensioneve nuk është bërë në përputhje të rritjes së çmimeve të ushqimeve dhe rritjen e pagave.

“Qeveria i ka borxh secilit pensionist në zonat urbane mesatarisht në çdo muaj 7489 lekë dhe në zonat rurale në 3238 lekë për shkak të mos indeksimit të plotë mbi bazën e inflacionit të artikujve ushqimorë dhe rritjes së munguar të pensionit nga rritja ekonomike”, u shpreh Meta.

Ekspertët në tryezë u shprehën të shqetësuar për uljen e numrit të kontribuuesve dhe mosdeklarimin e plotë të pagave duke rrezikuar skemën e pensioneve. Partia e Lirisë thotë Meta do të bëjë disa propozime ligjore për reformimin e skemës.

Sipas FMN 91 mijë të moshuar në Shqipëri janë të vetmuar dhe për sociologun Gëzim Tushi të jesh nën lëkurën e këtyre të moshuarve është e llahtarshme.

“Pensionistët nuk kanë nevojë vetëm për para. Të jesh i moshuar nuk është fatkeqësi, por vlerë e shoqërisë. Na duhet një strategji e re për të kombinuar shërbimet rezidenciale me ato jorezidenciale. Rrjeti aktual i shërbimeve është i pakët. Në 11 njësi bashkiake në Tiranë dhe 61 bashki, të krijohen disa qendra ku të moshuarit të shkojnë atje e të mos vërdallisen rrugëve. Një ditë të shkojë psikologu, një ditë sociologu”, tha Tushi.

Sipas Bankës Botërore një person me të ardhura në 6.85$ në ditë konsiderohet në kushtet e varfërisë. Në referencë thotë Meta, në Shqipëri një mase e madhe pensionistesh jetojnë në kushtet e varfërisë ku në fshat pensioni mestar është 18842 lekë baraz me 6.3$ dhe në qytet pensioni mesatar është 11239 lekë baraz me 3.8$.

Propozimet e Partisë së Lirisë

1.Do të propozojë një amendament në ligjin e pensioneve për një përfitim në përputhje me masën e kontributit të atyre punonjësve të cilët kanë kontribuar në skemën e pensioneve në më pak se 15 vite

2.Do të propozoj një amendament në ligjin e pensioneve për një ndryshim të llogaritjes së indeksimit të masës së pensioneve duke konsideruar rritjen e çmimeve të artikujve ushqimorë

3.Do të propozoj Gjykatës Kushtetuese të gjykojë mbi shkeljen e ligjit të pensioneve nga Qeveria për mos indeksimin e masës së pensioneve në përputhje me ligjin përkatës

4.Do të propozoj Gjykatës Kushtetuese mbas këtij gjykimi rimbursimin e plotë të pensionistëve të rritjes së munguar ndër vite për 2013-2023

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem Gahinjit: 03/04/2024 13:49

    Mos genje ,o Likeflori.Ne kohen e Saliut te pare,shperblimin suplementar per ish ushtarake t e liruar,Edhe pse e drejte e fituar me ligj,u hoq me vendim qeverrine Duke u cilesuar si asistence.Ne kohen e Saliut te dyte,u ul Duke e justifikuar si perfitime i paligjshem,me detyrimin qe per tre vjet te paguanim nga 3000 Leke te reja qeverrise.Kjo qeverri na i ktheu si kuoten ligjore Edhe leket e mbajtura.Kjo qeveri na beri njefare ngritje per shkak te inflazionist.Kjo na DHA nga 50 - 100 mije Leke shperblim ne pensionisteve.A Ka nevoje per rritje?Po',Ka,por duhen mbushur se pari vrimat qe lane LSI-stet ne administrate.Mos harro,Arben Ahmetaj Ka qene LSI-st.

    Përgjigju
  • Iris: 17/02/2024 00:59

    Ketu ku jetoj une,duhen 10 vjet pune,full/part time qe te kualifikohesh per pensionin minimal baze,por rritet sa me shume e sa me gjate te punosh.Nese nje person vendos te mos punoje me, pas ketyre 10 vjeteve,p.sh ka punuar 20 vjec deri 30 vjec,pensionin e merr vetem kur te arrije moshen ligjore te pensionit, pra 65-67 vjec,ose menjehere,pavaresisht moshes po te kete dale invalid me komision,ose menjehere kur 10 vjecari konsiston me moshe pensioni,p.sh ke punuar kur je 55 vjec deri 65 vjec e ne kete moshe vendos te dalesh ne pension.Pensioni rritet cdo vit nga pak.Cdo shtet ka tavanin limit te te ardhurave vjetore te pensionit qe nuk taksohesh,po e kalove tavanin, fillon taksimi i pensionit.

    Përgjigju
  • Edi: 16/02/2024 17:43

    ja si çakalli kerkon kermat kur i iken gjahu..

    Përgjigju
  • Besi: 16/02/2024 14:39

    pensioni i pjesshem, ose ai social eshte interesant per shume shqiptare pa kualifikim pune dhe emigrante si kontribut vullnetar progresiv ku masa e kontributit grupohet ne dy ose tre nivele dhe indeksimi i pensionit te behet duke u nisur nga keto nivele apo fasha kontributi

    Përgjigju
  • WTF: 16/02/2024 12:58

    Me Leket e Monikes do i paguash more debil?

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58