Maqedonia e Veriut nuk e ka problem që të fusë kombësinë bullgare, si bashkësi etnike në Kushtetutë. Deklarata është bërë sot nga ministri i Punëve të Jashtme, Bujar Osmani, i cili gjithashtu ka nënvizuar se kjo nënkupton se në vendin Maqedoninë e Veriut ka nacionalitete të ndryshme, që kanë të drejtë të tregojnë atributet e tyre.
“Kërkesa për futjen e komunitetit bullgar në Kushtetutë nuk është në kundërshtim me interesat tanë, sepse Bullgaria zhvendoset nga pozicioni fillestar i një populli në dy shtete, në pozicionin ku thonë se ka një komunitet bullgar me atribute të identitetit dhe kulturore, ndryshe nga komuniteti shumicë”, deklaroi Osmani.
I pyetur nëse Maqedonia e Veriut do të kërkojë reciprocitet në këtë çështje me Bullgarinë, ministri Osmani tha se “për dallim prej vendit tonë, Kushtetuta e Bullgarisë nuk njeh organizimin e qytetarëve në bazë të etnisë”.
“Ky reciprocitet nuk është i mundur pasi Republika e Maqedonisë së Veriut e ka për obligim, sipas marrëveshjes, që nuk do të përzihet në rendin e brendshëm të Republikës së Bullgarisë, respektivisht në këtë rend kushtetues që nuk njeh organizimin në bazë nacionale”, pohoi Osmani.
Kujtojmë se nga Sllovenia dje, presidenti i Bullgarisë Rumen Radev u shpreh se përderisa Shkupi nuk e pranon të vërtetat historike në raport me Bullgarinë, ashtu siç bëri me Greqinë, Sofja nuk do të lëvizë nga qëndrimi i fundit dhe zhbllokimi i rrugës drejt BE-së. Radev kërkoi që “bullgarët maqedonas të figurojnë në regjistrim e popullsisë”.
Lajme të tjera
-
Maqedonia formon shtab krize për evakuimin e shtetasve nga Lindja e Mesme
14 Prill, 16:12 -
Maqedoni e Veriut/ Hapet fushata presidenciale
5 Prill, 09:15 -
Bullgaria gjen armë që dyshohet se janë të lidhura me Hamasin
4 Prill, 14:57 -
Maqedonia e Veriut në ethe zgjedhore
31 Mars, 17:08 -
Rumania dhe Bullgaria sot në Schengen, por me kufizime
31 Mars, 11:18 -
Bujar Osmani: Ambiciet imperialiste të Rusisë mund të shtrihen në Ballkan
27 Mars, 15:43 -
Ashpërsohet retorika para zgjedhjeve presidenciale në RMV! Ali Ahmeti: Rusia ka hyrë në vendin tonë dhe ka themeluar parti
20 Mars, 19:49 -
Procesi i integrimit, Tabaku: Është për qytetarët dhe jo politikën! Duhet demokraci funksionale dhe sistem anti-korrupsion
13 Mars, 15:54 -
Maqedoni e Veriut/ Bujar Osmani prezantohet si kandidat për president i BDI-së: 'Jo Rusisë, Po Evropës'
10 Mars, 19:10 -
Shtatë kandidatë në garën për president në Maqedoninë e Veriut
9 Mars, 17:07 -
Shqiptari fitoi Kampionatin Botëror të Picave në Itali, Hisen Tairi rrëfehet për Report Tv: Do hap picerinë time
8 Mars, 21:46 -
Qeveria bullgare jep dorëheqje sipas marrëveshjes për ndarjen e pushtetit
5 Mars, 21:36
