Protesta e Bërxullës/ Paralajmëron banori: Nëse s’ka dialog do marrim masa ekstreme, qeveria po fle gjumë si ata që shanin dikur

 

Banorët e Bërxullës kanë dalë sërish në protestë për shkak se nuk janë dakord me zhvlerësimin që u bëhet pronave të tyre të cilat preken nga ndërtimi i aksit Thumanë-Kashar. Një banor ka paralajmëruar se nëse nuk ka një dialog do të marrin masa ekstreme.

‘Në Bërxullë nuk ka punime, nuk do bëhen për aq kohë sa s’ka marrëveshje me ne. Firma është në ajër, po shteti? Çdo 6 muaj që i ndërrojnë drejtorët e hipotekës që mos japin llogari. Llogari i kërkohet vetëm popullit. Nuk jepet prona siç duan këto, pronat i kemi prej vitesh të trashëguara. Jemi në mëshirë të fatit pa asnjë lloj mbrojtje. Do fillojmë të marrim masa ekstreme. Të nisin dialogun ose do marrim masa ekstreme. Ne kështu nuk mund të vazhdojmë. Ata janë në gjumë, i thoshin një tjetri ti fle gjumë po tani kanë filluar të flenë dhe vetë. Ne nuk duam të shkojmë në akte dhune dhe vandale. ’- tha një banor.

LEXO EDHE:
Kavajë/ Plagoset me armë zjarri një 43 vjeçar, policia në kërkim të dy autorëve

Lajmi kryesor:

Tokat e tyre preken nga ndërtimi i aksit Thumanë-Kashar, banorët e Bërxullës sërish në protestë: Shteti të negociojë me ne

G.MO/r.k./Shqiptarja.com

TAG:
• proteste
• Berxulle
• Tirane