Protesta e PD, Ristani: Policia po
ushtron dhunë ndaj të ndaluarëve

Një ditë pas protestës së opozitës deputetët demokratë kanë qenë në komisariatet e policisë në Tiranë për të ndjekur nga afër situatën me të ndaluarit. Sekretari i përgjithshëm I PD, Arben Ristani, tha se personat e ndaluar janë dhunuar nga policia ndërsa nuk janë lejuar të takohen me të afërmit

"Nga takimet që patëm me të afërm të njërit nga të ndaluarit marrim vesh që i kanë keqtrajtuar dhe të ëmën dhe të atin dhe djalin që kanë ndaluar. Erdhëm për të marrë kontakt me shefin e komisariatit na gënjyen që s’i kanë prekur me dorë. Kur ne kërkuam që ti takonim nuk na lejuan, gjë që na konfirmon bindjen se ndaj tyre është ushtruar dhunë. Megjithatë mësojmë që në komisariate të tjera kanë ndaluar dhe të rinj të tjerë. Ajo që dua të bëj publike është që PD do të jetë pranë këtyre njerëzve të ndaluar, ata janë njerëzit tanë, do i mbështesim deri në fund dhe do bëjmë të mundur të fitojnë lirinë që meritojnë. Duan të bëjnë sot terror ndaj njerëzve të opozitës për të ulur tempin e saj po të jeni të bindur që nuk do ta ulin dot kurrë. Vala e protestave do të vijë gjithnjë e më shumë në ngritje. Dje ishim 200 mijë, herës tjetër po aq do të jemi”, tha Sekretari i Përgjithshëm i Partisë Demokratike."-tha Ristani